Tej Police Times
म. टा. खास प्रतिनिधी, मुंबई : मुंबई पोलिस आणि केंद्रीय गृहमंत्रालयाने अनेक बेकायदा ॲप हटवल्यानंतर लोन ॲपवरून बदनामी करण्याचे प्रकार काही प्रमाणात थांबले होते. मात्र पुन्हा एकदा मालाडच्या कुरारमधून असाच प्रकार समोर आला आहे. एका तरुणाने कर्ज फेडले असतानाही पुन्हा एकदा पैशासाठी तगादा लावण्यात आला. त्याने पैसे देण्यास नकार दिला म्हणून या तरुणाचे आणि तो नोकरी करीत असलेल्या मालकाच्या मुलीचे फोटो मॉर्फिंग करून व्हायरल करण्यात आले. या प्रकरणात कुरार पोलिस ठाण्यात गुन्हा दाखल करण्यात आला आहे.
Vashi : जीव देण्यासाठी तरुणी रेल्वे रुळांवर आडवी पडली, मोटरमनच्या सतर्कतेमुळे वाचले प्राण
पोलिस तपास सुरू
अश्लिल फोटो आणि व्हिडीओ व्हायरल झाल्याचे त्याच्या मित्रांनी आणि मालकाने सांगितल्यानंतर या तरुणाने कुरार पोलिस ठाण्यात तक्रार केली. या तक्रारीवरून पोलिसांनी गुन्हा दाखल केला आहे. तरुणाला ज्या क्रमांकावरून फोन आले ते मोबाइल क्रमांक, लोन ॲप संदर्भातील इतर तांत्रिक पुराव्यांच्या आधारे पोलिस बदनामी करणाऱ्याचा शोध घेत आहेत.
Measles : गोवरामुळे मुंबईत आणखी एका बाळाचा मृत्यू, मृतांची संख्या ११ वर