Pune Accident : शाळेत जाताना माय-लेकाचा भीषण अपघात, आईसमोरच मुलाचा मृत्यू; आईचा हंबरडा

मिळालेल्या माहितीनुसार, अथर्व हा त्याच्या आईसोबत शाहूनगर येथील गणपती चौक (अमित कॉर्नर) बी.आर.टी. बस स्टॉप चौक येथून जात होता. त्याचवेळी भरधाव येणाऱ्या मालवाहतूक ट्रकने दुचाकीला जोरदार धडक दिल्याने दोघेही मायलेक रस्त्यावर कोसळले. या भीषण अपघातात अथर्वचा जागीच मृत्यू झाला तर आई किरकोळ जखमी झाली आहे. आईच्या डोळ्यादेखत स्वत:च्या मुलाचा जीव गेल्याने तिला मोठा धक्का बसला आणि तिने तिथेच हंबरडा फोडला. या घटनेने नागरिकांनी देखील संताप व्यक्त केला आहे. ट्रकने अक्षरश: त्या मुलाला फरफटत नेले. त्यामुळे मुलाचा जागेवरच मृत्यू झाला.

FIFA वर्ल्डकपमधली अजब घटना, गोल करणाऱ्या खेळाडूने का मागितली संघाची माफी, जाणून घ्या…
या परिसरात असलेल्या खड्ड्यांमुळे आज निरापराध मुलाचा नाहक बळी गेला असल्याची भावना नागरिकांनी व्यक्त केली आहे. हा अपघात एवढा भीषण होता की, पाहणाऱ्याला देखील दुःख झाले. राजकीय पदाधिकारी आणि नागरिकांच्या संतपानंतर अपघाताच्या ठिकाणी ट्राफिक कंट्रोलच्या अधिकाऱ्यांनी व पालिका अधिकाऱ्यांनी पाहणी केली. यापुढे अपघात होणार नाही यासाठी काय उपाययोजना करता येईल याची पाहणी त्यांनी केली.