Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Rules Changes From 1st December : आज १ डिसेंबरपासून २०२२ चा शेवटचा महिना सुरू झाला आहे. दर महिन्याप्रमाणे या महिन्यातही अनेक मोठे बदल पाहायला मिळाले आहेत, ज्याचा थेट परिणाम तुमच्या खिशावर होऊ शकतो. यामध्ये CNG आणि LPG किंमती आणि पेन्शनमधील संभाव्य बदलांशी संबंधित एक प्रमुख अपडेट देखील समाविष्ट आहे. इतकंच नाहीतर आजपासून अनेक गाड्यांच्या वेळेतही बदल होऊ शकतो. यासोबतच एटीएममधून पैसे काढण्याच्या पद्धतीतही बदल दिसून येतो. हे ५ मोठे बदल काय आहेत ते जाणून घेऊया.
– आता वाढत्या महागाईचा परिणाम बँक लॉकरच्या शुल्कावरही दिसून येत आहे. SBI, HDFC बँक, PNB, ICICI बँकेने लॉकर फी जारी केली आहे. एसबीआयने अतिरिक्त मोठ्या आकाराच्या लॉकरसाठी शुल्क ९,००० रुपयांवरून १२,००० रुपयांपर्यंत वाढवण्याचा प्रस्ताव दिला आहे.
मुंबईकरांसाठी आनंदाची बातमी, पण पुढचे १० ते १५ दिवस धोक्याचे; काळजी घ्या!
– पेन्शनधारकांचे जीवन प्रमाणपत्र सादर करण्याची अंतिम तारीख ३० नोव्हेंबर २०२२ होती. म्हणजेच १ डिसेंबरपासून तुम्हाला जीवन प्रमाणपत्र सादर करता येणार नाही. जर तुम्ही तुमचे प्रमाणपत्र सादर केले नसेल तर तुमचे पेन्शन थांबवले जाईल.
– डिसेंबरमध्ये थंडी वाढते आणि त्यासोबत धुकेही दाट असते, त्यामुळे अनेक गाड्यांच्या वेळेत बदल करण्यात आला आहे. रेल्वेने डिसेंबर २०२२ ते पुढील वर्षी मार्चपर्यंत सुमारे ५० गाड्या रद्द केल्या आहेत. काही गाड्यांच्या वेळेतही बदल करण्यात आला आहे.
– सीएनजी आणि पीएनजीच्या किमती देशातील प्रत्येक महिन्याच्या पहिल्या दिवशी बदलतात. गेल्या काही महिन्यांत सीएनजी आणि पीएनजीच्या किमती वाढल्या आहेत. यावेळी एलपीजी, सीएनजी आणि पीएनजीच्या किमतीतही बदल होऊ शकतो.
– आज १ डिसेंबरपासून पीएनबी एटीएममधून पैसे काढण्याचा मार्गही बदलू शकतो. आता मशीनमध्ये कार्ड टाकल्यावर तुम्हाला फोनवर एक ओटीपी मिळेल, तो टाकल्यानंतरच तुम्ही पैसे काढू शकाल.
सोन्याचा आजचा भाव: सोनं ७१ रूपयांनी झालं स्वस्त, चांदीचेही भाव पडले; वाचा आजचे नवे दर