भागवतराव कराडांकडे खास मिशन, ‘या’ मतदारसंघात कमळ फुलवण्याची मोठी जबाबदारी

आता याच भागवत कराड यांच्यावर तीस वर्षापासूनच शिवसेनेचा बालेकिल्ला असलेल्या परभणी लोकसभा मतदारसंघांमध्ये भाजपाचा उमेदवार निवडून आणण्याची जबाबदारी सोपवण्यात आली आहे. मात्र, परभणी लोकसभा मतदारसंघातील गंगाखेड, जिंतूर पाथरी घनसावंगी परतुर आणि परभणी लोकसभा मतदारसंघांमध्ये पंकजा मुंडे यांचा थेट प्रभाव आहे. तर दुसरीकडे परभणी जिल्ह्यातील सर्व तालुक्यांमध्ये भाजपामध्ये गटातटाचे राजकारण आहे. भाजपाच्या एका बैठकीमध्ये दोन जिल्हाध्यक्ष एकमेकांच्या अंगावर मारण्यासाठी गेल्याचे देखील या अगोदर परभणी जिल्ह्याने पाहिले आहे.
केंद्रीय मंत्री भागवत कराड यांचे उद्धव ठाकरेंच्या त्या वक्तव्यावर जोरदार प्रहार, म्हणाले…

असे असताना देवेंद्र फडणवीस यांचे विश्वासू केंद्रीय अर्थराज्यमंत्री भागवत कराड पक्षात अंतर्गत असलेली गटबाजी संपवून पंकजा मुंडे यांचा परभणी लोकसभा मतदारसंघावर थेट प्रभाव असताना आणि परभणी हा शिवसेनेचा बालेकिल्ला मागील ३० वर्षापासून असल्यामुळे या ठिकाणी आपली जादू कशी चालवणार असाच प्रश्न आता उपस्थित केला जात आहे. या मतदारसंघांमध्ये भाजपाचा उमेदवार निवडून आणण्यासाठी केंद्रीय अर्थराज्यमंत्री भागवत कराड यांना मोठी कसरत करावी लागणार आहे.
राज ठाकरेंच्या भूमिकेला भाजपचा पाठिंबा, डॉ. भागवत कराड यांनी मांडली भूमिका

या मतदारसंघावर सर्वाधिक प्रभाव

माजी मंत्री आणि भाजपा नेत्या पंकजा मुंडे यांचा परभणी विधानसभा मतदारसंघातील गंगाखेड, जिंतूर, पाथरी विधानसभा मतदारसंघांमध्ये सर्वाधिक प्रभाव आहे. विशेष बाब म्हणजे जिंतूर विधानसभा मतदारसंघाच्या आमदार मेघना बोर्डीकर या पंकजा मुंडे यांनी प्रचाराच्या शेवटच्या वेळी घेतलेल्या सभेमुळे निवडून आल्या होत्या. गंगाखेड विधानसभा मतदारसंघात देखील पंकजा मुंडे यांना मानणारा वर्ग मोठ्या प्रमाणात आहे. मात्र, याच ठिकाणी पंकजा मुंडे आणि देवेंद्र फडवणीस असे दोन गट आहेत. त्यामुळे भागवत कराड यांच्यासमोर मोठा अडचणीचा डोंगर आहे. तेव्हा भागवतराव कराड परभणीतून भाजपचा उमेदवार निवडून आणण्याचे शिवधनुष्य कसे पेलणार, हे आगामी काळात पाहावे लागेल.