Yearly Horoscope 2023 : येत्या वर्षात ग्रहांमध्ये होणार मोठे बदल,जाणून घ्या तुमच्या राशींवर कसा होईल प्रभाव

​मेष वार्षिक राशीभविष्य २०२३

या वर्षी राहू आणि शनीच्या संक्रमणामुळे तुम्हाला तुमच्या कामात अडचणींचा सामना करावा लागू शकतो. तुमचे काम बिघडू शकते. एवढेच नाही तर तुम्ही घरगुती समस्यांमध्येही अडकाल. तसेच, सूर्य तुमच्या उच्च राशीत असल्यामुळे तुम्हाला धनलाभ होईल. तथापि, या काळात तुमचे खर्चही जास्त राहतील. तसेच, ऑक्टोबरमध्ये राहूच्या बदलत्या स्थानामुळे तुमची परिस्थिती सुधारेल.

उपाय : जव, गहू आणि उडीद पिठापासून बनवलेल्या पोळ्या शनिवारी आणि बुधवारी गाईला साखर घालून खाऊ घाला.

दर मंगळवारी उपवास करावा. उपवास करणे शक्य नसेल तर सकाळी लवकर स्नान करून हनुमान चालिसाचे पठण करावे. हनुमानाच्या मूर्तीला शेंदूर आणि तेल अर्पण करणे खूप शुभ राहील.

​वृषभ वार्षिक राशीभविष्य २०२३

वृषभ राशीच्या लोकांनी या वर्षी दुसऱ्याच्या वादात पडणे टाळावे. यासोबतच रागावर थोडंसं नियंत्रण ठेवलं तर बरे होईल. मार्चमध्ये शुक्राच्या संक्रमणामुळे तुम्हाला लाभ आणि प्रगतीच्या अनेक संधी मिळतील. मात्र, जुलैनंतर शुक्राच्या प्रतिगामी चालीमुळे तुमच्या उत्पन्नाच्या साधनांमध्ये अडथळे येऊ शकतात.

उपाय : मंगळवारी मातेच्या मंदिरात जाऊन नारळ अर्पण करा. जर तुम्ही हे करू शकत नसाल तर दररोज दुर्गा सप्तशती पाठ करणे शुभ राहील.

​मिथुन वार्षिक राशीभविष्य २०२३

मिथुन राशीच्या लोकांवर ग्रहांच्या भ्रमणाचा संमिश्र परिणाम होणार आहे. या वर्षी तुमचे उत्पन्नाचे स्रोत निर्माण होत राहतील. परंतु, १७ जानेवारीपर्यंत शनीच्या ढैय्याचा प्रभाव असल्याने क्रोध आणि उत्साहाच्या भरात केलेली कामे बिघडू शकतात. फेब्रुवारी आणि मार्चमध्ये आरोग्याबाबत सावध राहण्याची गरज आहे. बुधाच्या अस्तामुळे तुम्हाला शारीरिक त्रास होऊ शकतो. यासोबतच तुम्ही केलेले कामही बिघडू शकते. मात्र, ऑक्टोबरमध्ये तुम्हाला आर्थिक लाभ होऊ शकतो.

उपाय: दररोज विष्णु सहस्त्रनाम स्तोत्राचा पाठ करणे तुमच्यासाठी फायदेशीर ठरेल. यासोबतच रोज गाईला चपाती खाऊ घालणे शुभ राहील. बुधवारी मुलींना प्रसाद म्हणून गोड खाऊ द्या तसेच मांसाहार आणि मद्यपेय टाळा.

​कर्क वार्षिक राशीभविष्य २०२३

या वर्षी तुमच्या राशीवर शनिढैय्याचा प्रभाव अधिक असणार आहे. शनिढैय्याच्या प्रभावामुळे तुम्हाला आरोग्याशी संबंधित अनेक समस्यांना सामोरे जावे लागू शकते. यासोबतच तुम्हाला आर्थिक अडचणींचाही सामना करावा लागू शकतो. तसेच, एप्रिल नंतर तुमच्यावर बृहस्पतिची शुभ दृष्टी असेल, ज्यामुळे तुम्हाला तुमच्या कामात यश मिळत राहील. मंगळाच्या प्रभावामुळे तुमच्यामध्ये राग आणि तणाव जास्त असेल.

उपाय : वर्षभरात कृष्ण पक्षातील शनिवारपासून सलग सात शनिवार, श्रीफळाला तेलाचा टिळा लावून काळ्या धाग्याने गुंडाळून डोक्याला तीन वेळा स्पर्श करावा, शनिबीज मंत्राचा उच्चार करत ते वाहत्या पाण्यात टाकावे.

​सिंह वार्षिक राशीभविष्य २०२३

तुमच्या राशीवर शनीच्या प्रभावामुळे या वर्षी तुमच्या कामात विलंब होईल. यावर्षी मंगळाच्या प्रभावामुळे तुम्हाला जास्त धावपळ करावी लागेल. तसेच तुमचा राग टाळा. यावर्षी तुमच्या वडिलांची आणि तुमच्या तब्येतीची जास्त काळजी घ्या. मात्र गुरुच्या विशेष पंचम शुभ दृष्टीमुळे शुभ कार्याकडे कल वाढेल.

उपाय : शनिदेवाची अशुभ दृष्टी टाळण्यासाठी शनिवारी शनी मंदिरात तेल, तीळ अर्पण करणे आणि शनिस्तोत्राचे पठण करणे शुभ राहील. प्रत्येक सूर्य संक्रांतीला गायत्री मंत्राचा एक माळ जप करावा.

​कन्या वार्षिक राशीभविष्य २०२३

या वर्षी, तुमच्या राशीवर गुरुच्या सप्तम भावामुळे, तुम्ही कठीण आणि प्रतिकूल परिस्थितीतही शाश्वत उत्पन्नाचे स्रोत बनवत राहाल. मात्र, मार्च ते जून या काळात बुध अष्टम भावात असल्याने तुम्हाला आरोग्यासंबंधी समस्यांना सामोरे जावे लागेल. या दरम्यान, तुमचे जवळचे लोकही तुमच्याशी अनोळखी व्यक्तींसारखे वागतील. या दरम्यान तुम्हाला मानसिक तणाव आणि आर्थिक नुकसान देखील होऊ शकते.

उपाय : बुधवारी आख्खे मूग मंदिरात दान करा. मंगळवारी गाईला गुड भाकर खाऊ घालणे शुभ राहील.

तूळ वार्षिक राशीभविष्य २०२३

तूळ राशीच्या ग्रहांच्या बदलत्या चालीमुळे नवीन वर्षात ढैय्याचा प्रभाव अधिक राहील. एवढेच नाही तर या काळात तुम्हाला कार्य क्षेत्रात काही अडथळ्यांना सामोरे जावे लागू शकते. तथापि, शुक्र ग्रहामुळे मार्च ते एप्रिल महिन्यात तुम्हाला अचानक आर्थिक लाभ आणि प्रगतीच्या संधी मिळतील. यासोबतच तुमची प्रतिष्ठाही वाढेल. तथापि, वर्षाच्या शेवटी गुरूच्या अशुभ दृष्टीमुळे तुमचे काम बिघडू शकते.

उपाय : शुक्रवारी व्रत ठेवणे तुमच्यासाठी फायदेशीर ठरेल. व्रतासह कन्येची पूजा करून तिला मिठाई व दक्षिणा द्या. नवरात्रीत दुर्गा सप्तशतीचा पाठ करा.

​वृश्चिक वार्षिक राशीभविष्य २०२३

१७ जानेवारी ते वर्षाच्या शेवटपर्यंत तुमच्या राशीवर शनी ग्रहाचा प्रभाव राहील. या काळात तुम्हाला खूप संघर्ष करावा लागू शकतो. परंतु, गुरूच्या शुभ स्थितीमुळे नवीन उच्च अधिकाऱ्यांशी तुमचे संबंध सुधारतील. या काळात आरोग्याची विशेष काळजी घ्या.

उपाय : वर्षभरातील प्रत्येक शनिवारी पितळेच्या भांड्यात तेल घेऊन शनी मंदिरात काळे तीळ आणि तेल अर्पण करून शनीच्या मंत्राचा जप करावा.

सलग ७ शनिवार किंवा मंगळवारी कुष्ठरोग आश्रमात कोरडे किंवा शिजवलेले अन्न दान करावे.

​धनु वार्षिक राशीभविष्य २०२३

या वर्षी शनीची साडेसाती संपणार आहे. या वर्षी तुमच्या बाराव्या भावात शनीची दृष्टी असल्यामुळे उत्पन्न कमी आणि खर्च जास्त होऊ शकतो. तसेच, गुरू चतुर्थ भावात असल्यामुळे जमीन, वाहन इत्यादी वस्तू मिळू शकतात. एप्रिल ते वर्षाच्या शेवटपर्यंत तुमची रखडलेली बिघडलेली कामे सुधारतील. या काळात तुमच्या विचारपूर्वक आखलेल्या योजना यशस्वी होतील.

उपाय – गुरुवारी व्रत आचरावे आणि गोड फराळच करावा. याशिवाय सलग १६ गुरुवार मुलींना केळीचे वाटप करा. हे करणे तुमच्यासाठी शुभ राहील.

​मकर वार्षिक राशीभविष्य २०२३

या वर्षी मकर राशीच्या लोकांवर शनीची साडेसाती राहील. राहू तुमच्या राशीतून चतुर्थ स्थानी असेल, अशावेळी तुम्हाला खूप धावपळ करावी लागेल आणि तुमचा खर्चही वाढेल. सूर्य आणि शनीच्या संयोगामुळे तुमच्या भावांसोबत मतभेद आणि वाद होऊ शकतात. मंगळ आठव्या स्थानी तुमच्या राशीत असल्याने तुमचे रागावर नियंत्रण राहणार नाही आणि राग वाढेल. यानंतर मंगळाची उच्च दृष्टी तुमचे प्रयत्न वाढवेल. तसेच, जवळच्या नातेवाईकांशी तुमचे संबंध सुधारतील. यासोबतच वाहन खरेदीचा आनंदही मिळू शकतो.

उपाय : संपूर्ण वर्षभर शनिवारी मोहरीच्या तेलात आपला चेहरा पाहून ऊँ प्रां प्रीं स: शनये नम: या मंत्राचा जप करावा आणि ते तेल दान करावे.

शनिवारी शनि स्तोत्राचे पठण करणे खूप शुभ राहील.

कुंभ वार्षिक राशीभविष्य २०२३

या वर्षी शनी तुमच्या राशीत प्रवेश करत आहे. अशा स्थितीत या वर्षी तुमची साडेसाती वर्षे सुरू होईल. शनी साडेसातीमुळे तुम्हाला खूप धावपळ करावी लागेल. यासोबतच कार्य क्षेत्रात अधिक मेहनत घ्यावी लागणार आहे. या काळात तुमचा खर्चही जास्त असू शकतो. एवढे करूनही तुम्ही व्यवसायात नवीन योजना कराल. शनीच्या प्रतिगामी गतीमुळे व्यवसाय आणि घरगुती जीवनात तुमची अडचण वाढेल.

उपाय : लोखंडी भांड्यात तेल घेऊन ते पाच रविवारी रुईच्या रोपावर अर्पण करावे. पाचव्या दिवशी तेल अर्पण केल्यावर ते भांडे तिथेच दाबावे.

दर शनिवारी ऊॅं नमः शिवाय असा जप करताना भगवान शिवाला ताक, बेलपत्र आणि १ चिमूट साखर घालून अभिषेक करा.

​मीन वार्षिक राशीभविष्य २०२३

१७ जानेवारी २०२३ पासून तुमच्यावर शनीच्या साडेसातीचा प्रभाव राहील. शनिमुळे तुम्हाला तुमच्या कामाच्या ठिकाणी खूप अडचणींना सामोरे जावे लागेल. या काळात तुमच्या आर्थिक स्थितीवर परिणाम होऊ शकतो. यावेळी उत्पन्नात घट होईल आणि तुमचा खर्च जास्त असेल. गुरू आणि राहूच्या संयोगामुळे जवळच्या नातेवाईकाकडून फसवणूक होण्याची शक्यता आहे. ऑक्टोबरमध्ये तुमच्या राशीत राहूच्या भ्रमणामुळे तुम्हाला पुन्हा एकदा नवीन समस्यांना सामोरे जावे लागेल.

उपाय: दररोज सूर्यदेवाला गुरु गायत्री मंत्र किंवा ऊॅं घ्रिण सूर्याय नमः मंत्राचा जप करा. गायत्री मंत्राचा पाठ करा.

तुमच्यासाठी गुरुवारचा उपवास करणे शुभ ठरेल. बेसन,केळे अशा पिवळ्या वस्तूंचे दान करणे शुभ ठरेल.