ग्रामपंचायत निवडणुकीत उद्योगमंत्री उदय सामंत यांना धक्का? ठाकरे गटाकडून मोठा दावा

भाजपच्या ५ ग्रामपंचायतींपैकी ३ या भाजपने राखल्या आहेत. भाजपकडील गणेशगुळे ग्रामपंचायत शिंदे गटाकडे गेली आहे. कासारवेळी, भगवतीनगर या ठाकरे गटाच्या शिवसेनेकडे गेल्या आहेत. तर धामणसे, निवळी गावडे आंबेरे पिरदवणे भाजपकडे आल्या आहेत. या ग्रामपंचायत निवडणुकीत भाजपने सगळ्या ग्रामपंचायतींमध्ये आपले सदस्य पाठवले. काही ठिकाणी तर भाजपचा एकही सदस्य नव्हता. पण या निवडणुकीत भाजपचे सदस्य ग्रामपंचायतींमध्ये निवडून आले आहेत. आता भाजपचे सदस्य वाढले. जिथे नव्हते तिथे भाजपने गावागावातून खाती उघडली आहेत.

मालगुंड ग्रामपंचायतमध्ये ६ सदस्य ठाकरे गटाची शिवसेना तर ५ शिंदे गटाचे सदस्य निवडून आले आहेत. इथे काट्याची लढाई झाली. पण सरपंच ठाकरे गटाच्या शिवसेनेचा निवडून आला आहे. आज लागलेल्या निकालात २२ पैकी ११ ग्रामपंचायतींवर ठाकरे गटाच्या शिवसेनेचे सरपंच निवडून आले आहेत, अशी माहिती ठाकरे गटाचे तालुका प्रमुख बंड्या साळवी यांनी दिली. यात कासारवेली, चांदोंर, टिके, तोंणदे, टेंबे, तरवळ, पूर्णगड फणसवळे, तरवळ मावळंगे, भगवती नगर, मालगुंड या ग्रामपंचायतीवर ठाकरे गटाचे सरपंच निवडून आल्याचा दावा करण्यात आला आहे.

कोकणात उद्धव ठाकरे समर्थक राजन साळवींना धक्का; मुख्यमंत्र्यांच्या दौऱ्यात गणिते बदलली!

निवळी, नेरूळ करबुडे, बोंडये या ग्रामपंचायती बिनविरोध झाल्या आहेत. तर गावडे आंबेरे ग्रामपंचायतीत जास्त सदस्य ठाकरे गटाच्या शिवसेनेचे निवडून आलेत. परंतु, सरपंचपदी हे भाजपचा उमेदवार निवडून आला आहे. दरम्यान, निवडून आलेल्या सर्व सदस्य व सरपंचांचा उद्या ठाकरे गटाच्या शिवसेनेतर्फे जाहीर सत्कार होणार असल्याचेही तालुकाप्रमुख बंडा साळवी यांनी सांगितले.

मायलेकी समोरासमोर, एकमेकींविरुद्ध लढवत आहेत ग्रामपंचायतीची निवडणूक, गुहागरमध्ये उत्सुकता शिगेला