Tej Police Times
भारताची स्थिती काय?
मागील २४ तासात भारतात १२९ करोनाचे नवे रुग्ण सापडले आहेत. तर दिवसभरात एकाच मृत्यू झाला आहे. तर भारतात ३४०८ करोनाचे अॅक्टिव्ह रुग्ण आहेत.
महाराष्ट्रात काय आहे कोविड-१९ ची स्थिती?
महाराष्ट्रात दर आठवड्यातला करोना रुग्ण संख्येत ३० टक्क्यांची कमी येत आहे. १५ डिसेंबर ते २१ डिसेंबर दरम्यान महाराष्ट्रात १४६ रुग्णांची नोंद झाली. त्याआधीच्या आठवड्यात महाराष्ट्रात ८ डिसेंबर ते १४ डिसेंबर दरम्यान २०४ केसेस आढळल्या.
हेही वाचा – चीनमुळे जगभरात करोनाचा पुन्हा हाहाकार, भारताला किती धोका? जाणाकारांनी दिलं थेट उत्तर
मुंबईतील सध्याची परिस्थिती
मुंबईत मागील ८ दिवसांपासून १० पेक्षा कमी करोना रुग्ण आढळत आहेत. १५ डिसेंबर ते २१ डिसेंबरपर्यंत एकट्या मुंबईत ३७ नवे कोविड-१९ रुग्ण आढळले. तसंच ८ डिसेंबर ते १४ डिसेंबरपर्यंत मुंबईत ६९ करोना रुग्णांची नोंद झाली.
Covid-19 Update
महाराष्ट्रात आतापर्यंत ८१,३६,३९८ केसेस आढळल्या असून त्यापैकी १,४८,४१२ जणांचा मृत्यू झाला आहे. यापैकी ७९,८७,८५१ जणांना रुग्णालयातून डिस्चार्ज करण्यात आलं. आज महाराष्ट्रात करोनाचे ३० अॅक्टिव्ह रुग्ण असून एकाचाही मृत्यू झालेला नाही.
हेही वाचा – चार्ल्स शोभराजची जेलमधून होतेय सुटका; भारतासह ९ देशांना डोकेदुखी ठरला होता बिकिनी किलर
मुंबईत आज ८ रुग्ण असून एकही मृत्यू झालेला नाही. एकट्या मुंबईत आतापर्यंत ११,५४,१४२ रुग्ण आढळले. त्यापैकी १९,७४५ जणांचा मृत्यू झाला. तर ११,३५,२८२ जणांना डिस्चार्ज देण्यात आला.
जगभरात आलेल्या नव्या करोनाच्या लाटेमुळे भारतातही यासाठीच्या उपाययोजना सुरू करण्यात आल्या आहेत. जाणकारांनी दिलेल्या माहितीनुसार हिवाळा संपण्याआधी करोना रुग्णांची संख्या वाढल्यास राज्याने प्लॅन ऑफ अॅक्शन तयार ठेवण्याचं म्हटलं आहे.
राज्यभरात लाखो कोविड चाचण्या घेतल्या जात असताना, आता ही संख्या हजारोंच्या घरात आहे. मेट्रोपोलिस लॅबचे डॉ. नीलेश शहा म्हणाले की, एका वर्षापूर्वीच्या तुलनेत संपूर्ण भारतात चाचणीची संख्या कमी झाली आहे. कोविडची परिस्थिती सध्या चिंताजनक नाही. आधीच्या करोना लाटेदरम्यान लोक ताप आल्यानंतर लगेचच कोविड चाचणीसाठी गर्दी करायचे, परंतु आता ही परिस्थिती नाही.