विधानपरिषदेच्या ५ जागांची निवडणूक जाहीर, काँग्रेस राष्ट्रवादीसह भाजपची प्रतिष्ठा पणाला

अहमदनगर : महाराष्ट्र विधान परिषदेच्या पदवीधर आणि शिक्षक मतदारसंघाची निवडणूक जाहीर झाली आहे. नाशिक ,अमरावती पदवीधर मतदारसंघाची निवडणूक जाहीर झाली आहे. औरंगाबाद, नागपूर आणि कोकण शिक्षक मतदारसंघाची देखील निवडणूक जाहीर झाली आहे. निवडणूक आयोगानं जाहीर केलेल्या निर्णयानुसार ३० जानेवारी २०२३ ला मतदान होणार आहे. तर, २ फेब्रुवारीला मतमोजणी होईल. या संदर्भात ५ जानेवारीला अधिसूचना निघणार आहे.

पदवीधरचे दोन आणि शिक्षक मतदारसंघाच्या तीन जागांसाठी १२ जानेवारीपर्यंत उमेदवारी दाखल करता येणार आहे. अमरावती पदवीधर मतदारसंघ तसेच औरंगाबाद, नागपूर आणि कोकण शिक्षक मतदारसंघातील निवडणूकही पार पडणार आहे.

नाशिक पदवीधर मतदारसंघात काँग्रेसचे सुधीर तांबे, अमरावती पदवीधरमध्ये भाजपचे रणजीत पाटील आणि औरंगाबाद शिक्षक मतदारसंघात राष्ट्रवादीचे विक्रम काळे, कोकण शिक्षकमध्ये बाळाराम पाटील आणि नागपूरचे नागो गाणार हे दोन या अपक्ष आमदारांच्या मतदारसंघात निवडणूक जाहीर झाली आहे. आता या मतदारसंघात कोणता राजकीय पक्ष बाजी मारणार हे पाहावं लागणार आहे.

मुंबईकरांसाठी शिंदे सरकारचा कुटीर डाव, सेना कार्यालयावरुन ठाकरे गटाचे माजी नगरसेवक आक्रमक

काँग्रेस राष्ट्रवादीसह भाजपची प्रतिष्ठा पणाला लागणार
काँग्रेसचे नेते माजी महसूलमंत्री बाळासाहेब थोरात यांचे स्नेही आणि युवक काँग्रेसचे नेते सत्यजीत तांबे यांचे वडील सुधीर तांबे हे नाशिक पदवीधरचे आमदार होते. त्यांच्या मतदारसंघात निवडणूक जाहीर झाली आहे. त्यामुळं काँग्रेससाठी ही निवडणूक प्रतिष्ठेची असेल. राष्ट्रवादी काँग्रेसचे औरंगाबाद शिक्षक मतदारसंघाचे आमदार विक्रम काळे यांच्या मतदारसंघात देखील निवडणूक जाहीर झाली आहे. राष्ट्रवादीनं दोन वर्षांपूर्वी झालेल्या पदवीधर मतदारसंघ निवडणुकीत विजय मिळवला होता. त्यामुळं शिक्षक मतदारसंघात देखील विजय मिळवण्याचा त्यांचा प्रयत्न असेल. तर, अमरावती पदवीधरमध्ये भाजपनं निवडणुकीचा कार्यक्रम जाहीर होण्यापूर्वीच रणजीत पाटीलला उमेदवारी जाहीर केली होती. त्यामुळं भाजपसाठी देखील या मतदारसंघातील विजय महत्त्वाचा असेल.

मृत पोलिसाच्या पत्नीला ‘मॅट’चा दिलासा; १ जूनपर्यंत ‘ही’ रक्कम देण्याचा आदेश

स्थानिक स्वराज संस्था मतदारसंघाची निवडणूक प्रलंबित

महाराष्ट्र विधानपरिषदेच्या स्थानिक स्वराज संस्था मतदारसंघांची निवडणूक देखील प्रलंबित आहे. मात्र, त्या जागांवरील निवडणूक जाहीर झालेली नाही.

सूर्यकुमार यादवसाठी २०२२ ठरलं लकी, ICC च्या मोठ्या अवॉर्डसाठी नामांकन