घरातून निघताना धनुभाऊंच्या डोक्यावर कार्यकर्त्यांनी बांधला पटका, डोकं-चेहऱ्यालाही दुखापत

धनंजय मुंडेंनी फेसबुक पोस्टमध्ये काय म्हटले?

मंगळवारी दिवसभर मतदारसंघातील कार्यक्रम व भेटी आटोपून परळीकडे परतताना रात्री १२.३० वाजण्याच्या सुमारास परळी शहरात माझ्या वाहनचालकाचा गाडीवरील ताबा सुटला. त्यामळे माझ्या गाडीचा लहानसा अपघात झाला आहे. यामध्ये माझ्या छातीला किरकोळ मार लागला असून डॉक्टरांनी सध्या मला विश्रांतीचा सल्ला दिला आहे. काळजी करण्यासारखे काही नाही, कृपया अफवांवर विश्वास ठेवू नये, असे आवाहन धनंजय मुंडे यांनी फेसबुक पोस्टमध्ये केले होते.

धनंजय मुंडे यांना आता मुंबईच्या ब्रीच कँडी रुग्णालयात उपचारासाठी ठेवण्यात येणार आहे. गेल्याचवर्षी धनंजय मुंडे यांना हृदयविकाराचा सौम्य झटका आला होता. तेव्हादेखील मुंडे काही दिवस रुग्णालयात होते. मात्र, त्यानंतर धनंजय मुंडे यांची प्रकृती व्यवस्थित होती. नुकत्याच झालेल्या नागपूरच्या हिवाळी अधिवेशनातही ते पूर्णकाळ उपस्थित होते. मात्र, कालच्या अपघातात त्यांच्या छातीला आणि डोक्याला मार बसला होता. त्यामुळे आता मुंबईतील डॉक्टर्स धनंजय मुंडे यांच्या प्रकृतीविषयी काय माहिती देतात, याकडे सर्वांच्या नजरा लागल्या आहेत. धनंजय मुंडे यांच्या परळीतील निवासस्थानी लातूरहून रुग्णवाहिका दाखल झाली होती. रुग्णवाहिकेतून लातूरला नेले जाणार असून त्यानंतर मुंडे मुंबईत दाखल होणार आहेत.