हल्ली प्रत्येकजण स्वत:ला इतिहासतज्ज्ञ समजायला लागलाय, राजकारणाचा दर्जा ढासळलाय: राज ठाकरे

शरद पवारांचा राज ठाकरेंना टोला

या कार्यक्रमापूर्वी रविवारी कोल्हापूरमध्ये आयोजित करण्यात आलेल्या पत्रकार परिषदेत राष्ट्रवादी काँग्रेसचे सर्वेसर्वा शरद पवार यांनी राज ठाकरे यांना टोला हाणला. राज ठाकरे यांनी अलीकडेच राष्ट्रवादी काँग्रेस हा जातीयवादी पक्ष असल्याचा आरोप केला होता. महाराष्ट्रात राष्ट्रवादी काँग्रेस पक्षाची स्थापना झाल्यापासून राज्यात जातीयवादाच्या राजकारणाला सुरुवात झाली, असे वक्तव्य राज ठाकरे यांनी अलीकडच्या काळात अनेकदा केले आहे. यावरुन शरद पवार यांनी राज ठाकरे यांना लक्ष्य केले. राष्ट्रवादी काँग्रेसच्या स्थापनेपासून पक्षाचे नेतृत्त्व कोणत्या नेत्यांकडे होते, हे पाहावे. सुरुवातीच्या काळात छगन भुजबळ यांनी पक्षाचं नेतृत्त्व केले. त्यानंतर विविध समाजातील नेत्यांनी राष्ट्रवादीचे नेतृत्त्व केले. मुळात आमच्या मनात जातीपातीचा विचार येतच नाही. आम्ही शाहू-फुले-आंबेडर यांच्या विचारांचे लोक आहोत. त्यामुळे आम्ही राज ठाकरे यांच्या टीकेची फारशी दखल घेत नाही, असे शरद पवार यांनी म्हटले.
राष्ट्रवादीवर जातीयवादाचा आरोप करणाऱ्या राज ठाकरेंचा शरद पवारांनी एका वाक्यात निकाल लावला, म्हणाले….

…त्यासाठी सकाळी लवकर उठावं लागतं; पवारांचा राज ठाकरेंना टोला

एखादी व्यक्ती सहा महिन्यात मत व्यक्त करते ते गांभीर्यानं घेण्यासारखं नाही. मला सकाळी उठल्यानंतर वृत्तपत्र वाचायची सवय आहे. त्यासाठी सकाळी लवकर उठावं लागतं. अनेकजण वृत्तपत्रात काय लिहिलंय हे न वाचता वक्तव्य करत असेल तर मी त्यांना दोष देणार नाही, असा टोला शरद पवार यांनी मध्यंतरी राज ठाकरेंना लगावला होता.