नाशिक पदवीधर निवडणूक: भाजपचा उमेदवार ठरेना, काँग्रेसचीही सावध पावले; पाहा राजकीय समीकरण

दुसरीकडे, काँग्रेसचा उमेदवार निश्तिच असूनही त्यांनीही उमेदवारी अर्ज दाखल केला नाही. अर्ज दाखल करण्यासाठी बऱ्यापैकी मुदत असल्याने ते थांबले असावेत. डॉ. तांबे यांच्या उमेदवारीला महाविकास आघाडीतील अन्य पक्ष आणि काँग्रेस प्रणित शिक्षक आणि इतर संघटनांचाही पाठिंबा असणार आहे. तरीही भाजपकडून तरुण उमेदवार दिल्यास काही गणिते बदलणार का? याची चाचपणी काँग्रेसकडून सुरू असल्याचे समजते. पूर्वी भाजपकडे असलेला हा मतदारसंघ डॉ. तांबे यांनी खेचून आणला आणि राखून ठेवला. नगरसह सर्वच जिल्ह्यात मतदार नोंदणीपासून मतदान घडवून आणण्यासाठी यंत्रणा राबविण्याचा त्यांचा मोठा अनुभव आहे. त्यांचे पुत्र काँग्रेसचे तरुण नेते सत्यजित तांबे यांनी प्रचार आणि नियोजनाची धुरा सांभाळली आहे. यावेळीही त्यांच्यासाठी गणिते अनुकूल असल्याचे सांगण्यात येते. त्यामुळेच भाजप सक्षम उमेदवाराच्या शोधात असल्याचे सांगण्यात येते.

अहिल्यादेवींच्या नावाला विरोध केल्याचा आरोप; जिल्हाभर आंदोलने सुरू होताच सुजय विखे म्हणाले…

अहमदनगर जिल्ह्यावर विजयाची गणिते…

नाशिक पदवीधर मतदारसंघात नगर जिल्ह्यात सर्वाधिक १ लाख १६ हजार मतदारांनी नोंदणी केली आहे. तर नाशिकमध्ये ६६ हजार ७०९ मतदार आहेत. पाचही जिल्ह्यात मिळून २ लाख ५८ हजार मतदार आहेत. त्यामुळे निवडणुकीत नगर जिल्ह्याला महत्त्व येणार आहे. शिवाय जिल्ह्यात संगमनेरमध्ये सर्वाधिक २९ हजार ६२४ तर त्या खालोखाल १५ हजार ३५४ मतदार राहाता तालुक्यात आहेत. नगर शहरात १० हजार २८८ मतदार आहेत. त्यामुळे संगमनेर आणि राहाता तालुके निकालात निर्णायक ठरणार आहेत. तर जिल्ह्यांमध्ये नगर आणि नाशिक यांच्यात स्पर्धा होईल, असे चित्र आहे.

अहिल्यादेवींच्या नावाला विरोध करणाऱ्या विखे पिता-पुत्रांना धडा शिकवू, धनगर समाजाचा इशारा