Tej Police Times
मुंबई : दरवर्षी कॉलेज तरुणांचे लक्ष लागून राहणाऱ्या ‘मुंबई टाइम्स कार्निव्हल’ची धूम आज, मंगळवारपासून सुरू होणार आहे. सकाळी १० वाजता गोरेगाव येथील पाटकर-वर्दे कॉलेजमध्ये ‘कार्निव्हल’चे उद्घाटन होणार आहे. ‘मुंबई टाइम्स कार्निव्हल’पॉवर्ड बाय ‘लोकल बंधन’ आणि असोसिएट पार्टनर ‘एमकेईएस बिझनेस स्कूल’ असलेल्या या सोहळ्याला हिंदी सिनेसृष्टी आणि ओटीटीवरील नामवंत अभिनेता सिकंदर खेरसह मराठी मनोरंजनसृष्टीतील आघाडीचे कलाकार सिद्धार्थ जाधव, सुबोध भावे, स्वप्निल जोशी, शिवानी सुर्वे, अनिता दाते उपस्थित असतील. ‘कार्निव्हल’च्या निमित्ताने ‘टेन्शन खल्लास’चे वातावरण पुढचे काही दिवस कॉलेजांमध्ये अनुभवायला मिळणार आहे.
‘बाब्या’च्या नव्या रूपाची उत्सुकता
‘मुंबई टाइम्स कार्निव्हल’चा चेहरा असणाऱ्या ‘बाब्या’च्या नव्या रूपाविषयीही कॉलेज कॅम्पसमध्ये उत्सुकता आहे. कार्निव्हलचा बाब्या नव्या रूपात कॉलेज विद्यार्थ्यांसमोर येणार आहे.