Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Authored by प्रसाद रानडे | Edited by रोहित धामणस्कर | महाराष्ट्र टाइम्स.कॉम | Updated: 10 Jan 2023, 7:54 am
Yogesh Kadam accident | आमदार योगेश कदम हे शुक्रवारी रात्री मतदारसंघातील आपले कार्यक्रम आटोपून मुंबईच्या दिशेला जात असताना १० वाजता सुमारास कशेडी घाटात (Kashedi Ghat) डंपरने कदम यांच्या कारला पाठीमागून धडक दिल्याने हा अपघात झाला होता. अपघातानंतर डंपर पलटी झाला होता. तेव्हा डंपरचा चालक अकलेश नरसिंग यादव फरार झाला होता.
हायलाइट्स:
- योगेश कदम यांच्या अपघाताचे खरे कारण समोर
- कारला धडक देणाऱ्या डंपरचा चालक सापडला
- पोलिसांकडून डंपर चालकाची चौकशी
पोलिसांनी आरोपीला ताब्यात घेऊन न्यायालयात हजर केले असता त्याला जामिनावर सोडण्यात आले. गाडीचे ब्रेक लायनर जाम झाल्याने ब्रेक लागला नाही. त्यामुळे डंपरवरील माझा ताबा सुटला आणि अपघात झाला, अशी कबुली अकलेश यादवने जबाबात दिली आहे. आमदार योगेश कदम यांच्या गाडीला ६ जानेवारी रोजी रात्री सव्वादहाच्या सुमारास पोलादपूर नजीक कशेडी घाटात चोळई येथे रायगड हद्दीत अपघात झाला होता. या अपघातात सुदैवाने आमदार योगेश कदम यांना कुठलीही दुखापत झाली नव्हती. त्यांच्या चालक व दोन पोलीस या घटनेत जखमी झाले होते. रायगड पोलीस सध्या या प्रकरणाचा अधिक तपास करत आहेत.
आदित्य ठाकरेंना मी फोन केला होता, पण…; योगेश कदमांनीही गंभीर आरोप करत ‘मातोश्री’ला डिवचलंया अपघातानंतर डंपरचा चालक फरार झाल्याने अनेक तर्कवितर्कांना उधाण आले होते. योगेश कदम यांच्या गाडीच्या मागच्या भागाचा चक्काचूर झाला होता. परंतु, सुदैवाने योगेश कदम यांना कुठलीही दुखापत झाली नव्हती. कदम यांचे चालक दीपक कदम आणि सुरक्षेसाठी असलेल्या दोन पोलिसांना किरकोळ दुखापत झाली होती. मात्र, डंपरचा चालक फरार असल्याने हा अपघात होता की घातपात, याविषयी राजकीय वर्तुळात बरीच चर्चा रंगली होती.
योगेश कदमांचा अपघात नव्हे घातपात, रामदास कदमांचा अनिल परबांवर गंभीर आरोप
योगेशचा अपघात नसून घातपाताचा कट: रामदास कदम
योगेश कदम यांच्या अपघातानंतर त्यांचे वडील रामदास कदम यांनी या अपघातामागे काहीतरी काळेबेर असल्याचा संशय बोलून दाखवला होता. हा अपघात होता की घातपात होता,अशी शंका त्यांनी उपस्थित केली होती. कशेडी घाटात पोलिसांची गाडी मागे असताना योगेश कदम यांच्या गाडीला डंपरने धडक कशी दिली?, असा सवाल रामदास कदम यांनी उपस्थित केला. यापूर्वीही योगेशला संपवण्याचा प्रयत्न झाला होता. अनिल परब यांच्यासारख्या लोकांनी मातोश्रीच्या आशीवार्दाने हे सर्व काही केले होते, असा आरोपही रामदास कदम यांनी केला होता.
योगेश कदमांच्या अपघातामागे बंगाली बाबाचे कनेक्शन; राष्ट्रवादीच्या नेत्याचा आरोप
राष्ट्रवादी काँग्रेसचे माजी अमदार संजय कदम यांनी योगेश कदम यांच्या अपघात प्रकरणातील एक वेगळीच थिअरी समोर आणली होती. रामदास कदम यांच्याशी संबंधित एका बंगाली बाबानेच हा अपघात घडवून आणला असावा, अशी चर्चा दापोलीत सुरु आहे. खेडमध्ये आलेल्या बंगाली बाबांना त्यांचा शिधा मिळाला नाही. त्यामुळेच हे कारस्थान रचण्यात आलं का, असा सवाल संजय कदम यांनी उपस्थित केला.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.