काँग्रेस पक्ष संघटनेत २२ वर्ष राबले, NSUI ते युवक काँग्रेस,सत्यजीत तांबेंचा राजकीय प्रवास

दोन टर्म जिल्हा परिषद सदस्य

अहमदनगर जिल्हा परिषदेचे २००७ आणि २०१२ च्या निवडणुकीत जिल्हा परिषद सदस्य म्हणून सत्यजीत तांबे यांनी काम केलं आहे. २०१४ च्या विधानसभा निवडणुकीतदेखील सत्यजीत तांबे यांनी निवडणूक लढवली होती. मात्र, त्यांना पराभवाचा सामना करावा लागला होता.

युवक काँग्रेसचे अध्यक्ष

सत्यजीत तांबे यांनी एनएसयुआयनंतर महाराष्ट्र प्रदेश युवक काँग्रेसमध्ये काम केलं. महाराष्ट्र प्रदेश काँग्रेसचे उपाध्यक्ष म्हणून तांबे यांना २०११ आणि २०१४ मध्ये संधी मिळाली होती. पुढील काळात सत्यजीत तांबे यांच्याकडे महाराष्ट्र प्रदेश युवक काँग्रेसचं अध्यक्षपद आलं होतं. सत्यजीत तांबे यांच्याकडे युवक काँग्रेसचं अध्यक्षपद आल्यानंतर त्यांनी राज्यभर युवकांचं संघटन केलं होतं. युवक काँग्रेसमार्फत त्यांनी राबवलेलं चलो पंचायत अभियान चर्चेत आलं होतं.

करोनाच्या इष्टापत्तीने बनला निर्यातदार; मालेगावच्या तरुणाचा बांग्लादेशात डाळिंबाचा पुरवठा

विधानसभेसाठीचं सुपर ६० अभियान
२०१९ च्या विधानसभा निवडणुकीपूर्वी युवक काँग्रेसकडून राज्यभरातील विधानसभेच्या ६० मतदारसंघात काम सुरु करण्यात आलं होतं. २०१९ मध्ये अनेक नेत्यांनी पक्षाची साथ सोडली होती. त्या काळात युवक काँग्रेसच्या सुपर ६० अभियानाचा काँग्रेसला फायदा झाला होता.

फडणवीसांचा सत्यजीतवर नेम आणि काँग्रेसचा गेम, ताकद असूनही डोक्याला हात लावायची वेळ!

सत्यजीत तांबे हे जयहिंद युवा मंचच्या माध्यमातून सामाजिक क्षेत्रात कार्यरत आहेत. नगररचना, नागरी व्यवस्थापन यासंदर्भातील त्यांचं सिटीझनविल हे पुस्तक नुकतंच प्रकाशित झालं आहे. सेंटर फॉर इंडिया इंटरनॅशनल रिलेशन्स या संस्थेचे ते अध्यक्ष देखील आहेत. सोशल मीडियावर देखील सक्रीय असतात.

भारतापुढे श्रीलंकेचे लोटांगण, दुसरा सामना जिंकण्यासाठी किती धावा कराव्या लागतील पाहा…