ही व्यक्ती वंदे भारतचा प्रवास आयुष्यात कधी विसरणार नाही, सेल्फी काढायला गेला अन् भलतंच घडलं

या घटनेचा एक व्हिडिओही समोर आला आहे. ही घटना आंध्र प्रदेशातील राजमुंद्री स्टेशनवरील आहे. मीडिया रिपोर्ट्सनुसार, वंदे भारत ट्रेन जेव्हा राजमुंद्री स्टेशनवर आली तेव्हा एक व्यक्ती सेल्फी घेण्यासाठी ट्रेनमध्ये चढला. पण, पुढच्याच क्षणी ट्रेन पुढे जाऊ लागली आणि तिचा स्वयंचलित दरवाजा बंद झाला. यानंतर दरवाजा उघडता न आल्याने त्या व्यक्तीची चांगलीच फजिती झाली.

हेही वाचा -IND Vs NZ: शुभमन गिलचं सलग दुसरं शतक, श्रीलंकेनंतर न्यूझीलंडविरुद्ध धमाका, विराटचा रेकॉर्डही मोडला

दार बंद अन् व्यक्ती ट्रेनमध्येच अडकला

व्हिडिओमध्ये ती व्यक्ती दार बंद झाल्याने तो ट्रेनमध्येच अडकला. यानंतर त्याने दरवाजा उघडण्याचा प्रयत्न केला, मात्र तो उघडला नाही. त्याने तिथे उपस्थित टीटीईला सांगितल्यावर टीटीईने सांगितले की, आता पुढील स्टेशन विजयवाडा येथे उतरावे लागेल. त्यानंतर तो ट्रेनमध्ये चढला आणि सुमारे दोनशे किलोमीटर दूर असलेल्या विशाखापट्टणमला पोहोचला आणि मग तिथून कसा तरी तो परतला.

हेही वाचा -रोहितचं कर्णधारपद जाताच या खेळाडूचं क्रिकेट करिअरही संपुष्टात येणार?, खराब फॉर्म ठरणार कारण…

पाहा व्हिडिओ –

विशाखापट्टणमपर्यंतच भाडं द्यावं लागलं

इतकंच नाही तर टीटीईने त्याच्याकडून विशाखापट्टणम पर्यंतचे भाडेही घेतले आणि तेथे ती व्यक्ती ट्रेनमधून उतरली. १५ जानेवारीला मकर संक्रांतीच्या मुहूर्तावर पंतप्रधान नरेंद्र मोदी यांनी आठव्या वंदे भारत ट्रेनला हिरवा झेंडा दाखवला होता. ही वंदे भारत एक्सप्रेस ट्रेन तेलंगणातील सिकंदराबाद ते आंध्र प्रदेशातील विशाखापट्टणम दरम्यान धावणार आहे.

हेही वाचा -बुमराह नाही तर हा खेळाडू आहे रोहित-राहुलचा फेवरेट, २०२३ च्या विश्नचषकात संधी देणार