Tej Police Times
या प्रकरणी अधिक माहिती अशी की, लासूर स्टेशन परिसरातील जळगाव येथील जिल्हा परिषदेच्या शाळेवर राऊत हे गेल्या अनेक वर्षांपासून कार्यरत होते. त्याच्या हसतमुख स्वभावमुळे ते गावकऱ्यात लोकप्रिय होते. तर शाळेतील विद्यार्थांचे ते आवडते शिक्षक होते. सोमवारी सकाळी नित्याप्रमाने ते शाळेत गेले, प्रार्थना केली. त्यानंतर मध्यांतर झाल्यावर त्यांनी सहकारी शिक्षकासह जेवणही केलं.
हेही वाचा -आईला माहेरी पाठवलं, पोरीचा जीव घेतला, सकाळी अंत्यविधी; शुभांगीसोबत त्या रात्री नेमकं काय घडलं?
शाळा पुन्हा भरल्यानंतर सर्व शिक्षक आपापल्या वर्गात निघून गेले. राऊत देखील वर्गात गेले. तेथे त्यांनी फळ्यावर शिकविण्यास सुरुवात केली. मात्र, तितक्यात त्यांना भोवळ आली आणि ते थेट जमिनीवर कोसळले. हे दृश्य पाहून वर्गातील विद्यार्थ्यांमध्ये गोंधळ उडाला. त्यांनी तातडीने इतर शिक्षकांना ही माहिती दिली.
हेही वाचा -क्राईम पेट्रोल पाहून सुचली आयडिया; जैन मंदिरातून चोरली १६ तोळ्याची सोन्याची प्लेट…
सहकारी शिक्षकांनी धाव घेत त्यांना रुग्णालयात हलविले. मात्र, तोपर्यंत त्यांची प्राणज्योत मालवली होती. डॉक्टरांनी तपासून राऊत यांना मृत घोषित केले. राऊत यांच्या मृत्यूची वार्ता कळताच गावात एकच शोककळा पसरली असून सर्वत्र हळहळ व्यक्त होत आहे.
हेही वाचा -पोलिसांचा संशय खरा ठरला,चौकशीतला एक मुद्दा टर्निंग पॉईंट ठरला, मित्रांनीच प्रफुल्लला संपवलं