घटस्फोट झाल्यानंतर सुखात दिसली अभिनेत्याची पत्नी, पण लोकांना आनंद पाहवेना

मुंबई- पाकिस्तानी अभिनेत्याची माजी पत्नी अलीजा सुल्तान पुन्हा एकदा चर्चेत आली आहे. अलीजाने आपल्या इन्स्टाग्राम अकाउंटवर पर्सनल केअरचा व्हिडिओ शेअर केला आहे. हा व्हिडिओ पाहिल्यावर लोक अभिनेत्रीला ट्रोल करत आहे. चला जाणून घेऊ नक्की या व्हिडिओमध्ये आहे तरी काय ज्यामुळे त्यांचा संताप अनावर झाला.

हेअरकटमुळे ट्रोल झाली अलीजा सुल्तान

अलीजा सुलतान गेल्या वर्षी फिरोज खानपासून घटस्फोट घेतल्याने चर्चेत आली होती. अलीजाने अभिनेत्यावर शारीरिक आणि मानसिक हिंसाचाराचा आरोप केला होता. काही लोकांनी सांगितले की अलीजाने सहानुभूतीपूर्ण आणि लोकप्रिय होण्यासाठी घटस्फोटाची घोषणा केली. त्याचबरोबर काही लोक अलीजा सुलतानला समर्थन देताना दिसले. अलीजा सुलतान केस कापल्यामुळे ट्रोल झाली. घटस्फोटानंतर अलीजा नव्याने आयुष्य जगण्याचा प्रयत्न करत आहे, तिने केस कापण्याचा व्हिडिओ सोशल मीडियावर शेअर केला आहे.

व्हिडिओमध्ये अलीजा हेअरकट करताना दिसत आहे. हेअरकट केल्यानंतर अलीजाचा लूक बदलला असून ती पूर्वीपेक्षा जास्त सुंदर दिसू लागली. लूकमधील बदलानंतर अलीजा खूप आनंदी दिसत होती. पण काही लोकांना तिच्यातील बदल आवडला नाही आणि त्यांनी तिला ट्रोल करायला सुरुवात केली. ट्रोलर्सचे म्हणणे आहे की, आम्ही घटस्फोटित महिलेला इतका आनंदी कधीच पाहिला नाही. तर काहींनी तुला लाज वाटली पाहिजे असे म्हटले.

युजर्सचे समर्थन

अलीजा सुलतानच्या व्हिडिओवर हेटर्सच्या कमेंट्स पाहिल्यानंतर अनेक लोक तिच्या समर्थनात कमेंट करु लागले. एका युजरने लिहिले की, सत्य हे आहे की घटस्फोटानंतर पाकिस्तानमधील महिला खूप आनंदी आणि कणखर दिसतात. एकाने लिहिले की ती अपमानास्पद घटस्फोटातून गेली आहे, परंतु कोणीही तिच्याशी दयाळूपणे वागू इच्छित नाही. अलीजा सुलतानच्या समर्थकांचे म्हणणे आहे की तिलाही आनंदी राहण्याचा अधिकार आहे. तुम्हाला स्वतःवर लक्ष केंद्रित करण्याचा अधिकार आहे, मग केस कापण्यावरुन एवढा गोंधळ का?

२१ सप्टेंबर २०२२ रोजी सय्यदा अलीजा यांनी एका पोस्टद्वारे पतीवर गंभीर आरोप केले होते. घरगुती हिंसाचाराचे पुरावे शेअर करताना अलीजाने इंटरनेटवर काही फोटोही शेअर केले…ज्यामध्ये तिच्या चेहऱ्यावर आणि हातावर जखमेच्या खुणा दिसत होत्या. फिरोज खानच्या पत्नीच्या या पोस्टमुळे इंडस्ट्रीतील लोकांना आणि चाहत्यांना आश्चर्याचा धक्का बसला.