Tej Police Times
डी’मार्टचे संस्थापक राधाकृष्ण दमाणी यांनी देशातील स्थावर मालमत्ता बाजारातील सर्वात मोठा सौदा केला आहे. दमाणी यांच्या कुटुंबीयांनी आणि सहकाऱ्यांनी मुंबईत १,२३८ कोटी रुपयांना २८ घरे खरेदी केली आहेत. Zapkey.com ने त्याच्याशी संबंधित नोंदणी कागदपत्रांचा हवाला देऊन ही माहिती दिली आहे. हा करार यासाठी चर्चेत आहे कारण २०२३ च्या अर्थसंकल्पातील घोषणेमुळे १ एप्रिलपासून सुपर लक्झरी मालमत्तांवर परिणाम होण्याची शक्यता आहे. गृहनिर्माण मालमत्तेसह दीर्घकालीन मालमत्तेच्या विक्रीतून भांडवली नफ्याच्या पुनर्गुंतवणुकीवर अर्थसंकल्पात १० कोटी रुपयांची मर्यादा घालण्यात आली आहे. सध्या अशी कोणतीही मर्यादा लागू नाही.
लाख गुंतवा कोट्यवधी कमवा! देशातील अब्जाधीशांच्या उत्पन्नाचा स्रोत समजला, पाहा गुंतवणूक कुठे होते
चटईक्षेत्र किती आहे?
राधाकृष्ण दमाणी, त्यांचे सहयोगी आणि कंपन्यांनी खरेदी केलेल्या मालमत्तांचे एकूण चटईक्षेत्र १,८२,०८४ चौरस फूट आहे. ज्यामध्ये १०१ कार पार्किंगचा समावेश आहे. सर्व व्यवहार ३ फेब्रुवारी २०२३ रोजी नोंदवले गेले.
मुंबईत निवासी घरांच्या मागणीत ५२ टक्क्यांनी वाढ; ठाणे नवी मुंबईतही किंमती वधारल्या
मालमत्ता कुठे आहेत
खरेदीदारांनी टॉवर बी ऑफ थ्री सिक्स्टी वेस्ट, ॲनी बेझंट रोड, वरळी, मुंबई येथे अपार्टमेंट खरेदी केले आहेत. या करारातील विक्रेता बिल्डर सुधाकर शेट्टी आहे. ज्यांनी प्रकल्पाचा पुनर्विकास करण्यासाठी रिअल इस्टेट विकासक विकास ओबेरॉय यांच्यासोबत भागीदारी केली आहे. यापैकी बहुतेक अपार्टमेंटचे कार्पेट क्षेत्र ५ हजार चौरस फूट आहे आणि त्यांची किंमत सरासरी ४० ते ५० कोटी रुपये आहे.
पुण्यातील घरांच्या मागणीत २०२२ मध्ये ९.६ टक्क्यांची वाढ, तर पुरवठ्यात ०.४ टक्के वाढ
बिल्डरबद्दल जाणून घ्या
या प्रकल्पात सुधाकर शेट्टी यांच्या कंपनी स्कायलार्क बिल्डकॉनने २०१९ मध्ये DHFL (आता पिरामल फायनान्स) कडून १४.२२ टक्के व्याजदराने आणि ७२ महिन्यांसाठी (४८ महिन्यांचा स्थगिती आणि २४ महिन्यांचा परतफेड कालावधी) १,००० कोटी रुपये घेतले होते. Zapkey.com चे संस्थापक संदीप रेड्डी म्हणाले, ‘आम्ही ३१ मार्च २०२३ पूर्वी अनेक लक्झरी होम डीलची नोंदणी होण्याची शक्यता आहे.’