Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
How to Save Electricity Bill : देशाच्या अनेक भागांमध्ये आता उन्हाळ्याला सुरुवात झाली आहे. उन्हाच्या झळा सर्वत्र बसू लागल्याने सर्वचजण हैराण होत आहेत. त्यामुळे देशातील अनेक मध्यमवर्गीय कुटुंब एअर कंडिशनरच्या अर्थाच AC च्या मदतीनं गर्मीचा सामना करत आहेत. तर कोणी कूलर आणि पंख्याचा वापर करत आहेत. फ्रीजमधल्या गोष्टीही वाढल्यामुळे त्याचाही वापर मोठ्या प्रमाणात होताना दिसत आहे. पण एकंदरीत काय तर ही सारी उपकरणं आता मोठ्या प्रमाणात वापरली गेल्याने तुमच्या वीज बिलात मोठी वाढ होऊ शकते. पण हेच वीज बिल जर तुम्हाला कमी करायचं असेल तर ते करण्यासाठी तुम्ही काही सोप्या गोष्टी करू शकता. त्याच काही खास टीप्स आज आम्ही तुम्हाला सांगणार आहोत.
![उपकरणं स्टँडबाय मोडमध्ये ठेवणे टाळा]()
![5-]( "5-")
![स्मार्ट होम डिव्‍हाइसेसही करतात विजेची बचत]()
![बॅकअप पॉवरवर असताना कमी वीज वापरा]()
![किचनमधील उपकरणांचा योग्य वापर]()
वापरात नसताना उपकरणं बंद करा
तर वीज वाचवण्यासाठी सर्वात सोपा पर्याय म्हणजे हाच आहे की, वापर नसताना कोणतंही उपकरण सुरु ठेवू नये. त्यामुळे वापरात नसताना उपकरणं बंद करणं ही विजेचा वापर कमी करण्यासाठी सर्वात मूलभूत गोष्ट आहे. तर ट्यूबलाईट, पंखे आणि इतर घरगुती उपकरणे उपकरणे वापरात नसताना बंद करणं गरजेचं आहे. यामुळे मोठ्या प्रमाणात वीज वाचवता येऊ शकते.
वाचा:घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन
उपकरणं स्टँडबाय मोडमध्ये ठेवणे टाळा
विजेचा वापर कमी करण्यासाठी, त्यांना स्टँडबायवर न ठेवण्याचा सल्ला देखील दिला जातो. याचं कारण म्हणजे उपकरणं ही स्टँडबाय मोडमध्येही काही प्रमाणात वीज वापरत असतात. याचा अर्थ, वापरत नसताना टीव्ही पूर्णपणे बंद करणं तसंच एसी, वॉशिंग मशीन आणि इतर उपकरणही अधिक काळ स्टँडबाय मोडमध्ये ठेवता कामा नये.
वाचाःफास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?
5-स्टार रेटेड उपकरणंच निवडा
आता आपण कोणतीही इलेक्ट्रॉनिक वस्तू जसंकी एसी, फ्रीज,वॉशिंग मशिन घेतो. तेव्हा त्यावर वीज बचत किती प्रमाणात हे उपकरणं करे हे दाखवण्यासाठी स्टार रेटिंग दिलेली असते. ५ पैकी स्टार्स दिलेले असतात. दरम्यान जितके जास्त स्टार्स तितकी ती उपकरणं कमी उर्जा वापरतात. उदाहरणार्थ, आता कमी स्टार म्हणजेच एक टनाचा 3-स्टार एसी ९७५ युनिट्स वापरत असेल तर त्याच तुलनेत 1.5-टनाचा 5-स्टार एसी ८०० युनिट्सच वापरतो. रेफ्रिजरेटर, वॉशिंग मशिन आणि टीव्ही यांसारख्या इतर उत्पादनांनाही हेच लागू होतं.त्यामुळे कमी वीजबिल भरुन तुम्ही जास्त चांगलं उपकरणं वापरु शकता.
वाचा :SmartPhone Care : मोबाईलची स्क्रीन घरच्या घरी कशी कराल साफ? सोप्या तीन स्टेप्सने चमकेल तुमचा स्मार्टफोन
स्मार्ट होम डिव्‍हाइसेसही करतात विजेची बचत
तुमच्या घरात स्मार्ट होम सेटअप जोडल्याने तुम्हाला वीज बिलात बचत करण्यात मदत होऊ शकते. गोष्टी स्वयंचलित म्हणजेच ऑटोमेटिक करण्यासाठी तुम्ही लाइट, स्मार्ट प्लग, स्मार्ट स्विच इत्यादीसारख्या स्मार्ट होम डिव्हाइसेसचा वापर करू शकता आणि दिलेल्या वेळी ते ऑटोमेटिकपणे चालू आणि बंद करण्याचे शेड्यूल देखील करू शकता. उदाहरणार्थ, तुम्ही रात्रीच्या वेळी AC चं काम शेड्यूल करण्यासाठी स्मार्ट प्लग किंवा युनिव्हर्सल वाय-फाय रिमोट वापरू शकता. तो रात्रभर चालवण्याऐवजी, तुम्ही झोपेत असतानाही ठराविक अंतराने किंवा विशिष्ट वेळी एसी चालू आणि बंद करण्याचे शेड्यूल करू शकता. ज्यामुळे विजेची बचत होते.गीझर, मोटर्स, रूम हीटर्स आणि इतर जड उपकरणांसाठीही असंच केलं जाऊ शकते. त्याचप्रमाणे, स्मार्ट लाईट्सही सूर्यास्ताच्या वेळी स्वयंचलितपणे चालू आणि सूर्योदयाच्या वेळी बंद करण्यासाठी सेट केल्या जाऊ शकतात.
वाचा :Netflix, Prime, Hotstar: आता अनलिमिटेड मूव्हीसह, वेब सीरीजचीही घ्या मजा, पाहा सर्व प्लॅन्सची माहिती सविस्तर
बॅकअप पॉवरवर असताना कमी वीज वापरा
बहुतेक सोसायट्या वीज खंडित झाल्यास वीज परत देण्यासाठी नेहमीच्या विजेच्या तुलनेत पॉवर बॅकअपची किंमत प्रति युनिट जास्त असते. उदाहरणार्थ, नोएडामध्ये नियमित विजेची किंमत ७ रुपये प्रति युनिट आहे, त्यानंतर बॅकअप पॉवरची किंमत सुमारे १४ ते २३ रुपये प्रति युनिट असेल. त्यामुळे, तुम्ही बॅकअप पॉवरवर असताना एसी, गीझर इत्यादींसारखी अधिक वीज खाणारी उपकरणं न वापरणंच योग्य असेल, अन्यथा तुम्हाला नक्कीच वीज बिलाचा झटका बसू शकतो.
वाचा : पहिल्या iPhone लाँचनंतर १५ वर्षांनी उघडलं भारतातील Apple Retail Store, कसा आहे हा खास प्रवास?
किचनमधील उपकरणांचा योग्य वापर
मायक्रोवेव्ह, इलेक्ट्रिक किटली, एअर फ्रायर इत्यादी काही स्वयंपाकघरातील उपकरणं खूप वीज वापरतात. शक्य असल्यास दीर्घकाळापर्यंत त्यांचा वापर करणे टाळावे कारण या उपकरणांचं पॉवर रेटिंग AC आणि गीझरच्या जवळपास असते. तसंच स्मार्ट होम उपकरणांप्रमाणे, तुम्ही घरामध्ये स्मार्ट मीटर देखील वापरू शकता जे वापरकर्त्यांना केवळ संपूर्ण घरात नेमकी किती वीज लागते. कोणत्या उपकरणाचा किती वापर अशा साऱ्याचा तपशील मिळतो.
वाचा :Samsung Galaxy A24 लाँच होण्याआधीच फीचर्स लीक, 50MP कॅमेऱ्यासह आणखी बरच काही, किंमत किती?