Tej Police Times
दमदार बॅटरीचा फोन हवाय? सॅमसंगच्या ‘या’ ३ स्मार्टफोन्समध्ये आहे 6000mAh बॅटरी, किंमत १५,००० पेक्षा कमी
डेन्सीटीनवी दिल्ली : 6000mAh battery Smartphone : आजकाल स्मार्टफोनचा वापर इतका वाढला आहे की, प्रत्येक गोष्टीत स्मार्टफोनची गरज असते. त्यामुळे स्मार्टफोनच्या अधिक वापरामुळे बॅटरीही तितक्याच अधिक प्रमाणात उतरत असते. त्यामुळे आजकाल मार्केटमध्ये लाँच होणारे बहुतेक स्मार्टफोन मोठ्या बॅटरी क्षमतेसह येतात. बहुतेक लोकांना असा फोन हवा असतो जो पुन्हा पुन्हा चार्ज करावा लागत नाही. दरम्यान याच फोन्सच्या यादीत सॅमसंगने देखील आपले काही स्मार्टफोन लाँच केले आहेत. कंपनीने दमदार क्षमतेच्या म्हणजेच 6000mAh बॅटरी क्षमतेसह अनेक स्मार्टफोन आणले आहेत. तर यातीलच तीन खास फोन्सबद्दल जाणून घेऊ, विशेष म्हणजे त्यांची किंमतही १५,००० रुपयांपेक्षा कमी आहे.
Samsung Galaxy M13 (किंमत ९,६९९ रुपये)
Samsung Galaxy M13 स्मार्टफोनमध्ये ६.६ इंचाचा FullHD+ LCD Infinity O डिस्प्ले आहे. स्क्रीन 1080 x 2408 पिक्सल रिझोल्यूशन देते आणि त्याची पिक्सेल डेन्सीटी 401 PPI आहे. रॅम प्लस फीचरसह फोनमध्ये 12 जीबीपर्यंत रॅम देण्यात आला आहे. या हँडसेटमध्ये ६४ जीबी इनबिल्ट स्टोरेज देण्यात आला आहे. मायक्रोएसडी कार्डद्वारे स्टोरेज १ टीबी पर्यंत वाढवता येईल. Galaxy M13 मध्ये ५० मेगापिक्सलचा प्रायमरी रेयर कॅमेरा आहे. तसंच ५ मेगापिक्सल आणि २ मेगापिक्सलचे सेन्सर देखील आहेत. हँडसेटमध्ये ८ मेगापिक्सल फ्रंट कॅमेरा आहे. वर सांगितल्याप्रमाणे याची बॅटरी दमदार अशी 6000mAh इतकी आहे. हा सॅमसंग फोन Android 12 आधारित One UI Core 4 सह येतो.
Samsung Galaxy M13 (किंमत ९,६९९ रुपये)
Samsung Galaxy M13 स्मार्टफोनमध्ये ६.६ इंचाचा FullHD+ LCD Infinity O डिस्प्ले आहे. स्क्रीन 1080 x 2408 पिक्सल रिझोल्यूशन देते आणि त्याची पिक्सेल डेन्सीटी 401 PPI आहे. रॅम प्लस फीचरसह फोनमध्ये 12 जीबीपर्यंत रॅम देण्यात आला आहे. या हँडसेटमध्ये ६४ जीबी इनबिल्ट स्टोरेज देण्यात आला आहे. मायक्रोएसडी कार्डद्वारे स्टोरेज १ टीबी पर्यंत वाढवता येईल. Galaxy M13 मध्ये ५० मेगापिक्सलचा प्रायमरी रेयर कॅमेरा आहे. तसंच ५ मेगापिक्सल आणि २ मेगापिक्सलचे सेन्सर देखील आहेत. हँडसेटमध्ये ८ मेगापिक्सल फ्रंट कॅमेरा आहे. वर सांगितल्याप्रमाणे याची बॅटरी दमदार अशी 6000mAh इतकी आहे. हा सॅमसंग फोन Android 12 आधारित One UI Core 4 सह येतो.
Samsung Galaxy M14 5G (किंमत १३,९९० रुपये)
Samsung Galaxy M14 5G स्मार्टफोनमध्ये ६.६ इंचाचा LCD, FullHD+ डिस्प्ले आहे. स्क्रीनचे रिझोल्यूशन 1080 x 2408 पिक्सल आहे आणि घनता 401 PPI आहे. फोनला पॉवर देण्यासाठी 6000mAh बॅटरी देण्यात आली आहे. फोनला दोन अँड्रॉइड अपडेट्स आणि ४ सिक्युरिटी अपडेट्स मिळण्याचे आश्वासन ही कंपनीने दिले आहे. या स्मार्टफोनमध्ये ५० मेगापिक्सलचा प्राथमिक रेयर कॅमेरा आहे. फोनमध्ये २ मेगापिक्सलचे दोन सेन्सरही आहेत. तसंच १६ मेगापिक्सलचा सेल्फी सेन्सर आहे. हा फोन 13 5G बँडला सपोर्ट करतो. यात शक्तिशाली Exynos 1330 octa-core 2.4GHz 5nm प्रोसेसर देण्यात आला आहे.
Samsung Galaxy M33 5G (किंमत १५,९९९ रुपये)
या यादीतील तिसरा 6000mAh बॅटरी असणारा फोन म्हणजे Samsung Galaxy M33 5G. या फोनमध्ये Exynos 1280 octa-core 2.4GHz 5nm प्रोसेसर आहे. या हँडसेटमध्ये ६.६ इंचाचा एलसीडी डिस्प्ले आहे जो फुलएचडी+ रिझोल्यूशन ऑफर करतो. फोनमध्ये संरक्षणासाठी गोरिल्ला ग्लास ५ देण्यात आला आहे. हँडसेटचे सर्वात महत्त्वाचे फिचर अर्थातच 6000mAh ची बॅटरी आहे. फोनमध्ये ६ जीबी रॅम आणि १२८ जीबी इनबिल्ट स्टोरेज आहे, जे मायक्रोएसडी कार्डद्वारे १ टीबी पर्यंत वाढवता येते. Samsung Galaxy M33 5G स्मार्टफोनमध्ये ५० मेगापिक्सलचा प्रायमरी कॅमेरा आणि ५ मेगापिक्सल अल्ट्रावाइड, २ मेगापिक्सल मॅक्रो सेन्सर देखील आहे. सेल्फी आणि व्हिडिओ कॉलिंगसाठी ८ मेगापिक्सलचा फ्रंट कॅमेरा देण्यात आला आहे.
वाचा : Smartphone Care : स्मार्टफोन वापरताना चुकूनही ‘या’ चुका करू नका, नाहीतर होईल हजारोचं नुकसान