Tej Police Times
भारतीय मार्केटमध्ये अवतरणार स्टायलिश स्मार्टफोन्स, Samsung, Motorola सह Nothing कंपनीचे फोन होणार लाँच
Samsung Galaxy Z Fold 5
फोल्डेबल स्मार्टफोनच्या जगात सॅमसंगने आपला दबदबा निर्माण केला आहे. आता ही कंपनी आपला पुढील फ्लॅगशिप फोल्डेबल स्मार्टफोन लाँच करण्याच्या तयारीत आहे. सॅमसंग गॅलेक्सी झेड फोल्ड 5 हा फोन जुलैच्या अखेरीस होणाऱ्या अनपॅक्ड इव्हेंटमध्ये लाँच केला जाईल. रिपोर्ट्सनुसार, सॅमसंगच्या या फोल्डेबल फोनचे नाव Galaxy Z Fold 5 असेल आणि आधीच्या Galaxy Z Fold 4 च्या तुलनेत यात जास्त बदल होणार पण तरी देखील नवीन Galaxy Z Fold 5 च्या डिझाइन आणि फीचर्समध्ये काही सुधारणा अपेक्षित आहेत. डिव्हाइसची जाडी थोडी कमी होईल अशी अपेक्षा असून यात अधिक चांगली OLED स्क्रीन, स्नॅपड्रॅगन 8 Gen 2 प्रोसेसर आणि दमदार कॅमेरा असू शकतो.
वाचा : WhatsApp चे खास फीचर्स आहेत एकदम खास, अनेकांना माहितही नाहीत…
Nothing Phone (2)
नथिंग फोन (2) हा भारतातील बहुप्रतिक्षित स्मार्टफोन्सपैकी एक आहे. कंपनीने दिलेल्या माहितीनुसार नथिंग फोन (2) मध्ये Qualcomm Snapdragon 8+ Gen 1 प्रोसेसर दिला जाईल. यामध्ये Nothing OS (2) असेल असेही कंपनीने सांगितले आहे. हँडसेटच्या मागील बाजूस अधिक चांगली ग्लिफ लाइटिंग दिली जाईल. याशिवाय स्मार्टफोनमध्ये नवीन आणि उत्तम ड्युअल कॅमेरा टेक्नोलॉजी मिळण्याचीही अपेक्षा आहे.
वाचा : ChatGPT म्हणजे नेमकं काय? खरंच यामुळे नोकऱ्या धोक्यात आहेत का? संपूर्ण माहिती एका क्लिकवर
Motorola Razr 40 Series
मोटोरोलाही स्टायलिश असा फोल्डेबल स्मार्टफोन आणणार आहे. Motorola ने Razr 40 आणि Razr 40 Ultra स्मार्टफोन भारतात लाँच करणार असल्याचं सांगितलं आहे. हे दोन्ही मोटोरोला फोन केवळ Amazon India वर खरेदीसाठी उपलब्ध असतील. मोटोरोलाच्या या दोन्ही फोल्डेबल फोनमध्ये नवीन डिझाइन उपलब्ध असेल. महागड्या Razr 40 Ultra ला ३.६ इंचाचा मोठा OLED कव्हर डिस्प्ले मिळेल. याशिवाय, हा जगातील सर्वात स्लिम फ्लिप फोन असेल अशी माहिती कंपनी देत आहे.
वाचा : AC मुळे लाईट बिल खूप येतंय? ‘या’ ५ टिप्स फॉलो केल्यास वाचेल वीज आणि कमी येईल वीजबिल
iQOO Neo 7 Pro
iQOO Neo 7 Pro हा ४ जुलै रोजी लाँच होण्याची शक्यता आहे. कंपनीच्या मते, Neo 7 Pro हा ड्युअल चिप फोन आहे. Qualcomm Snapdragon 8+ Gen 1 प्रोसेसर हँडसेटमध्ये उपलब्ध असेल. याशिवाय, कंपनीने हँडसेटमध्ये 120Hz डिस्प्ले आणि इन-डिस्प्ले फिंगरप्रिंट सेन्सर असल्याची माहिती देखील दिली आहे. फोन नारंगी-रंगाच्या फॉक्स लेदर बॅक पॅनलसह उपलब्ध केला जाणार असून हा स्मार्टफोन FunTouch OS सह येईल. हा भारतातील Snapdragon 8+ Gen 1 प्रोसेसरसह सर्वात स्वस्त फोनपैकी एक असेल, असंही म्हटलं जात आहे.
वाचा : Meta Verified: आता ६९९ रुपये देऊन इन्स्टाग्रामसह फेसबुकही होणार वेरिफायड, मेटा वेरिफायड भारतात लाँच
Samsung Galaxy Z Flip 5
या यादीत Galaxy Z Flip 5 स्मार्टफोन हा आणखी एक सॅमसंगचा आगामी फोल्डेबल फोन असेल. रिपोर्ट्सनुसार, Galaxy Z Flip 5 ला मोठा कव्हर डिस्प्ले मिळण्याची अपेक्षा आहे. उर्वरित फोन सध्याच्या Galaxy Z Flip 4 प्रमाणेच डिझाइनमध्ये असू शकतो. Fold 5 प्रमाणे, Flip 5 ला Snapdragon 8 Gen 2 प्रोसेसर, 8 GB पर्यंत RAM आणि 128 GB पर्यंत इनबिल्ट स्टोरेज मिळण्याची अपेक्षा आहे.
वाचा : जर प्राणी माणसांसारखे दिसले असते तर? AI नं तयार केलेले हे ‘विचित्र’ फोटो पाहिले का?