Google Maps : ड्रायव्हिंग करताना गुगल मॅप वापरता? ‘हे’ पाच फीचर्स नक्की जाणून घ्या, पैसे आणि वेळ दोन्ही वाचेल c

ऑफलाइन मॅप डाउनलोड करा

प्रवासातील सर्वात मोठी चिंता म्हणजे नेटवर्क नसणे, कारण अनेकदा प्रवासात फोनला नेटवर्क नसंत आणि नेटशिवाय नेव्हिगेशन अॅप्स क्रॅश होतात. त्यामुळे प्रवास सुरू करण्यापूर्वी ऑफलाइन मॅप डाउनलोड करणे केव्हाही फायदेशीर ठरते. वापरकर्त्यांना गुगल मॅपवर विशिष्ट शहरांचे नकाशे डाउनलोड करण्याची सुविधा देखील मिळते. तुम्ही प्रवास करण्यापूर्वी ऑफलाइन मॅप डाउनलोड करू शकता आणि तुम्हाला त्याची आवश्यकता नसल्यास नंतर डिलीटही करु शकता.

वाचा: UPI ने पेमेंट करताना सारखं फेल होतंय? ‘या’ सोप्या स्टेप्स करा फॉलो

नेमका वाहतूकीचा मोड निवडा

Google नकाशे वाहन आणि रहदारीच्या परिस्थितीवर आधारित तुमच्यासाठी सर्वोत्तम मार्ग ऑटोमेटिक काढून देतात. दरम्यान Google मॅप्सवर सर्वोत्तम मार्ग निश्चित करण्यासाठी तुमचा प्रवास सुरू करण्यापूर्वी योग्य चिन्ह (बाइक किंवा कार) निवडण्याचे लक्षात ठेवा, कारण मॅप निवडलेल्या वाहन प्रकारावर आधारित सर्वात जलद उपलब्ध मार्ग दाखवतो. Google मॅप्सचा प्रवास या फीचरमुळे आणखी सोयीस्कर होतो.

वाचा : Aadhar Update : मोफत ऑनलाइन आधार अपडेटची तारीख वाढवली, १४ जून नाही ‘या’ तारखेपर्यंत आहे संधी

​

लाईव्ह ट्रॅफिक अपडेट ऑन करा

जर तुम्ही शहरात प्रवास करत असाल, तर गर्दी, रहदारी इत्यादी माहितीबद्दल रिअल टाइम अपडेट्स मिळवण्यासाठी गुगल मॅपवर लाईव्ह ट्रॅफिक अपडेट एनाबल करणं कधीही चांगलं. कारण रहदारीच्या परिस्थितीनुसार, आपण कितीला पोहोचणार, कुठे किती वेळ लागणार हे तुम्ही रिअल टाइममध्ये पाहू शकता आणि त्यानुसार तुमच्या मार्गाचे नियोजन करू शकता.

वाचा : Upcoming Smartphones : नवा फोन घ्यायचा विचार करताय? थांबा, भारतात लाँच होत आहेत दमदार स्मार्टफोन्स

​

​व्हॉइस नेव्हिगेशन चालू करा

व्हॉइस नेव्हिगेशन हे Google मॅपमधील आणखी एक उत्कृष्ट फीचर आहे, जे युजरला आवाजाने सर्व दिशानिर्देश देते. हे एक अतिशय उपयुक्त फीचर आहे, विशेषत: प्रवास करताना हेडफोन वापरताना. या फीचरमुळे प्रवास करताना फोनच्या स्क्रीनकडे वारंवार पाहण्याचा त्रास दूर होतो. वळण आल्यावर तुम्हाला हे व्हाईस नेविगेशन आपोआप अलर्ट देखील करते. यासोबतच, तुम्ही तुमच्या सोयीनुसार, सामान्य आणि जास्त प्रमाणात त्याचा आवाज कमी-जास्त करू शकता.