मुंबई मेट्रोमध्ये विविध पदांसाठी भरतीची जाहीरात प्रसिद्ध; २२ जागांवर नोकरीची संधी

इच्छुक आणि पात्र उमेदवारांनी सविस्तर जाहिरात वाचून दिलेल्या तारखेपर्यत ऑफलाइन अर्ज सादर करायचे आहेत. निवड झालेल्या उमेदवारांना मुलाखतीसाठी बोलावण्यात येईल. मुलाखत आणि आवश्यक कागदपत्रांची पूर्तता केल्यानंतर पुढील कार्यवाहीबद्दल उमेदवारांना वेळोवेळी ई-मेल आणि वेबसाईटच्या माध्यमातून कळवले जाईल.

(वाचा : भारतातील पहिले एआय विद्यापीठ सज्ज; मुंबईमध्ये तयार आहे देशातील पहिलीवहिली AI University)

पात्रता आणि आरक्षण :

मुंबई मेट्रोमधील २२ जागांसाठीच्या या भरतीसाठी प्रत्येक पदानुरूप पात्रता आणि आरक्षणाचे नियम वेगवेगळे असल्यामुळे MMRCL च्या अधिकृत वेबसाईटवर याविषयी अधिक माहिती अपलोड करण्यात आली आहे. उमेदवाराने अर्ज करण्यापूर्वी संबंधित पद त्याची पात्रता आणि आरक्षणाबद्दलची माहिती काळजीपूर्वक वाचणे आवश्यक आहे.

असा करा अर्ज :

० अर्ज करण्यासाठी उमेदवाराने www.mmrcl.com या वेबसाईटला भेट द्या.
० Careers टॅब मध्ये जाऊन MMRCL Recruitment Advertisement 2023-01 वर क्लीक करा.
० उमेदवाराने आपला ई-मेल आयडी, मोबाईल नंबर आणि आवश्यक ती सगळी माहिती भरून तुमचा अर्ज भर.
० सादर ऑनलाइन रजिस्ट्रेशन आणि अर्ज करण्याची प्रक्रिया २१ जून २०२३ पासून सुरु करण्यात आलं असून, १ ऑगस्ट २०२३ ला रात्री ११ वाजून ५९ मिनिटांपर्यंत अर्ज भरता येणार आहे.
० अर्ज भरताना उमेदवाराला Updated Resume, Passport Size Photo (.jeg अथवा .jpeg) आणि Recent Pay Slip (.pdf) फॉरमॅटमध्ये अपलोड करणे आवश्यक आहे.
० ऑनलाइन अर्जात आवश्यक ती सर्व माहिती खरी आणि अचूक भरणे अत्यावश्यक आहे.
० तसेच, उमेदवाराने अर्ज पूर्ण भरून झाल्यानंतर सबमिट करण्यापूर्वी संपूर्ण अर्ज काळजीपूर्वक वाचून, भरलेला तपशील बरोबर आहे कि नाही याची खात्री करून घेणे आवश्यक आहे.
० अर्ज सबमिट केल्यानंतर उमेदवाराला अर्जात कोणत्याही प्रकारचे बदल करता येणार नाहीत.

(वाचा : IBPS Recruitment: आयबीपीएसकडून लिपिक पदांसाठी मोठ्या भरतीची घोषणा; अर्ज प्रक्रियेला आजपासून सुरुवात)

महत्त्वाच्या तारखा :

० अर्ज भरण्याला सुरुवात : २१ जून २०२३
० अर्ज भरण्याचा शेवटचा दिवस : १ ऑगस्ट २०२३, रात्री ११.५९ पर्यंत

महत्त्वाचे :

सादर भरतीसाठी उमेदवारांना ऑफलाइन अर्ज आणि कागदपत्रांची पूर्तता खालील पत्त्यावर करणे आवश्यक आहे. उमेदवारांना अर्ज खालील पत्त्यावर सादर करणे आवश्यक आहे. पदानुसार हा नियम वेग वेगळा आहे
(अधिक माहितीसाठी MMRCL च्या वेबसाईटला भेट द्या)

उप. महाव्यवस्थापक (एच आर), मुंबई मेट्रो रेल कॉर्पोरेशन लिमिटेड, एमएमआरसीएल-लाईन ३, ट्रान्झिट ऑफिस, ई-ब्लॉक, वांद्रे कुर्ला कॉम्प्लेक्स, वांद्रे (पूर्व), मुंबई ४०००५१