एलन मस्कला धक्का देण्यासाठी झुकरबर्ग सज्ज, ट्वीटरला टक्कर देण्यासाठी Instagram लाँच करणार Threads App

By tejpolicetimes On Jul 5, 2023

नवी दिल्ली : Threads App Launching : एलन मस्क यांनी जेव्हापासून ट्वीटरचा ताबा घेतला आहे, तेव्हापासून सामान्य युजर्ससाठी ट्वीटर नाहीच, असंच दिसत आहे. कारण सर्वात आधी ब्लू टिक ही सब्सक्रिप्शन घेतलेल्यांसाठीच असणार असं मस्क यांनी जाहीर केलं. मग एक एक करत बऱ्याच सुविधा या पेड होताना दिसत आहेत. त्यामुळे आता आधीसारखं ट्वीटर चालवण्यासाठी दरमहा सुमारे ६५० रुपये मोजावे लागतात. दरम्यान आता याच सर्वाला पाहता कंटाळलेल्या युजरर्साठी मेटा कंपनी एक नवीन ट्वीटरप्रमाणे काम करणारं थ्रेड्स अ‍ॅप लाँत करत आहे. मेटा कंपनीही मार्क झुकरबर्गची असून इन्स्टाग्राम, फेसबुक असे दमदार अ‍ॅप्स त्यांच्याच मालकीचे आहेत, ज्यात आता आणखी एका अ‍ॅपची भर पडणार आहे.

कधी होणार लाँच?
तर ट्वीटरला टक्कर देण्यासाठी हे थ्रेड्स अ‍ॅप ६ जुलै २०२३ रोजी लाँच केले जाऊ शकते. हे अ‍ॅप आधीच अ‍ॅप स्टोअरवर सूचीबद्ध असून त्याखाली कमिंग सून असं लिहिलं आहे. इन्स्टाग्रामचे हे थ्रेड्स अ‍ॅप प्रथम आयफोनवर लाँच होण्याची शक्यता आहे. कारण अ‍ॅप स्टोअरवर हे अ‍ॅप आधीपासूनच आहे. रिपोर्ट्सनुसार काही काळातच थ्रेड्स गुगल प्ले स्टोअरवर लाँच केले जाईल.

थ्रेड्स अ‍ॅप कसे डाउनलोड कराल?
तुम्ही अ‍ॅप लाँच झाल्यावर डाउनलोड करण्यासाठी रिमाइंडर सेट करू इच्छित असल्यास, अ‍ॅप स्टोअरवर Threads, an Instagram App असं सर्च करा. त्यानंतर तुम्ही ते डाऊनलोड करण्यासाठी ठेवू शकता. अ‍ॅप लाँच होताच ते आपोआप डाऊनलोड होईल.

वाचा : नॉन वेरिफायड युजर्सना Twitter चा धक्का, आता आणखी एक सुविधा वापरण्यासाठी आकारणार पैसे

Threads App कसे काम करेल?
हे स्टँडअलोन अ‍ॅप इन्स्टाग्रामवर आधारित असेल. मेटाच्या रिपोर्टनुसार मेटा देखील बरेच सेलिब्रिटी या अ‍ॅपवर घेण्यासाठी कंपनीची रस्सीखेच सुरु आहे. हे ट्विटरप्रमाणेच एक अ‍ॅप असेल, जिथे लोक त्यांचे म्हणणे मांडू शकतील. इतर लोकही आपली प्रतिक्रिया देऊन एक मोठा मतप्रवाह याठिकाणी तयार होऊ शकतो.

वाचा : जर प्राणी माणसांसारखे दिसले असते तर? AI नं तयार केलेले हे ‘विचित्र’ फोटो पाहिले का?

Source link