Twitter News : ट्वीटरमुळं एलन मस्क तोट्यात, दर महिन्याला होतंय १००० कोटींचं नुकसान

By tejpolicetimes On Jul 17, 2023

नवी दिल्ली : एलन मस्कने ट्वीटर जवळपास ४४ अब्ज डॉलर्समध्ये विकत घेतले. पण ट्वीटर विकत घेतल्यानंतर एलन मस्क सातत्याने ट्वीटरमध्ये काही न काही बदल करत आहेत. या बदलांमुळे ट्वीटर युजर्स देखील नाराज झाले आहेत. यासोबतच ट्वीटरच्या कमाईतही मोठे नुकसान होत आहे. ट्वीटरने ब्लू सबस्क्रिप्शन सुरू केले होते, ज्यामध्ये ट्वीटर चालवण्यासाठी दरमहा सुमारे ८०० रुपये घेतले जातात. तसेच, ट्वीटरचा खर्च कमी करण्यासाठी मस्ककडून बऱ्याच गोष्टी करण्यात आल्या. पण एलन मस्कच्या सगळ्या युक्त्या फोल ठरल्याचं दिसतंय. कारण कमाईच्या आघाडीवर ट्वीटर परतताना दिसत नाही. ट्वीटरचा खर्च वाढत आहे, तर दुसरीकडे ट्वीटरवर कर्जाचा बोजा देखील वाढत आहे.

जाहिरातींमधून कमाई ५० टक्क्यांनी झाली कमी
एलन मस्कने १० महिन्यांपूर्वी ट्वीटर विकत घेतले. पण आता ट्विटरच्या जाहिरातींच्या कमाईत जवळपास ५० टक्क्यांची घट झाल्याची बातमी आहे. या प्रचंड भारामुळे ट्वीटरचे मोठे नुकसान होत आहे. एलन मस्कने ट्वीटर विकत घेण्यासाठी खूप पैसे घेतले होते. अशा परिस्थितीत मस्क यांना ट्वीटरसाठी घेतलेल्या कर्जासाठी व्याज म्हणून सुमारे १.५ अब्ज डॉलर्स म्हणजेच १२ हजार कोटी रुपये वार्षिक द्यावे लागतात. म्हणजेच दरमहा सरासरी १ हजार कोटी रुपये व्याज भरावे लागते.

वाचा : Online Scam : जास्त पैसे कमावण्याच्या नादात बसला लाखोंचा गंडा, एक क्लिक आणि खात्यातून ९.३५ लाख गायब

ट्वीटर आणत आहे व्हिडिओ फीचर
कमाई वाढवण्यासाठी मस्क यांनी ट्वीटरवर अनेक युक्त्या केल्या. ब्लू सबस्क्रिप्शनसह प्रीमियम सामग्रीच्या नावावर वापरकर्त्यांकडून पैसे घेण्यात आले. पण यानंतरही ते ट्वीटर युजर्सना बांधून ठेवू शकले नाही. यामुळेच ट्वीटरला मिळणाऱ्या जाहिरातींमध्ये घट नोंदवण्यात आली. आता युजर्सना आपल्याकडे बांधण्यासाठी नवनवीन युक्त्या करणार आहे. आता कंपनी ट्वीटरमध्ये व्हिडिओ फीचर आणत आहे, ज्यामुळे मोठ्या प्रमाणात कमाई होण्याची शक्यता आहे.

वाचा : Samsung च्या फोल्डेबल फोन्सना टक्कर देण्यासाठी Apple सज्ज, ‘रोलेबल’ स्मार्टफोन लाँच करणार

Source link