Acer ने भारतात लाँच केला १६ इंचाचा दमदार लॅपटॉप, 8GB ग्राफिक्स कार्डसह भन्नाट फीचर्स

नवी दिल्ली : Acer ने भारतात आपला नवीन लॅपटॉप Acer Nitro 16 नुकताच लाँच केला आहे. Acer Nitro 16 मध्ये AMD Ryzen 7 7840HS ऑक्टा-कोर प्रोसेसर आणि GeForce RTX 4060 आणि GeForce RTX 4050 ग्राफिक्स अशा दोन पर्यायांत सादर केले गेले आहे. Acer Nitro 16 सह १६ इंच एलईडी बॅकलिट TFT LCD स्क्रीन उपलब्ध असणार आहे. जी 4-झोन RGB बॅकलाइट कीबोर्डसह कस्टमाईज केली जाऊ शकते.

Acer Nitro 16 किंमत
Acer Nitro 16 च्या AMD Ryzen 7 7840HS प्रोसेसर आणि Nvidia GeForce RTX 4050 6GB ग्राफिक्स व्हेरिएंटची किंमत १,१४,९९० रुपये आहे. तर GeForce RTX 4050 8GB ग्राफिक्स असलेल्या मॉडेलची किंमत १,४३,५५० रुपये आहे. लॅपटॉप ऑब्सिडियन काळ्या रंगात खरेदी केला जाऊ शकतो.

वाचा : BSNL चा एक वर्षाचा रिचार्ज अगदी स्वस्तात, महिन्याला खर्च करा फक्त १२६ रुपये, दररोज मिळेल 2GB डेटा

Acer Nitro 16 चे फीचर्स
Acer Nitro 16 मध्ये 165Hz च्या रिफ्रेश रेटसह १६ इंचाची WUXGA स्क्रीन आहे. याचा कमाल ब्राइटनेस 400 निट्स आहे. हे AMD Ryzen 7 7840HS प्रोसेसरसह 32GB पर्यंत DDR5 RAM आणि 512GB PCIe Gen4 NVMe स्टोरेजसह मिळते. लॅपटॉपमध्ये प्री-इंस्टॉल केलेले Windows 11 उपलब्ध असेल. Acer Nitro 16 मध्ये ड्युअल फॅन कूलिंग सिस्टम आहे. लॅपटॉपमध्ये ड्युअल 2W स्पीकर्स आहेत. यात USB 3.2 Gen 2 पोर्ट, पॉवर ऑफ बटण, USB 3.2 Gen 2 पोर्ट, USB 3.2 Gen 2 Type-C पोर्ट, USB 2.0 पोर्ट आणि USB 4 पोर्ट आहे. हे 330W अडॅप्टरसाठी सपोर्टेड 90Wh बॅटरी पॅक करते. ही बॅटरी तब्बल १० तासांचा बॅकअप देत असल्याचा दावा एसर कंपनीने केला आहे.

वाचा : Google Maps : ड्रायव्हिंग करताना गुगल मॅप वापरता? ‘हे’ पाच फीचर्स वापरा, पैसे आणि वेळ दोन्ही वाचेल