WhatsApp नं मोठ्या फॅमिलीसाठी आणलं खास फीचर, व्हिडिओ कॉलिंग होणार आणखी भारी, वाचा सविस्तर

नवी दिल्ली: WhatsApp latest video call Feature : एकेकाळी फक्त मेसेज करण्यासाठी वापरलं जाणारं इन्स्टन्ट मेसेजिंग अ‍ॅप व्हॉट्सअ‍ॅप आता बऱ्याच महत्त्वाच्या गोष्टींसाठी वापरलं जातं. अनेकांच्या ऑफिसची बरीच कामं ही व्हॉट्सअ‍ॅपवरच होत असतात. त्यामुळे आपल्या युजर्सचा अनुभव आणखी सुधारण्यासाठी व्हॉट्सअ‍ॅपकडून देखील नवनवीन फीचर्स आणले जात असून आताही कंपनीने एक नवीन कॉलिंग फीचर आणले आहे. हे फीचर अँड्रॉइड यूजर्ससाठी आहे. एका ऑनलाइन अहवालानुसार, मेटा-मालकीच्या या प्लॅटफॉर्मवर एका कॉलमध्ये आता थेट १५ जणांना जोडता येणार आहे. त्यामुळे आता तुमचं एकदम मोठं कुटुंब असेल तरी हे संपूर्ण कुटुंब व्हॉट्सअ‍ॅपद्वारे एकाचवेळी व्हिडिओ कॉलिंग करू शकतील.

१५ जण एकाच वेळी कॉल करण्यास सक्षम
याआधी एप्रिल २०२२ मध्ये, व्हॉट्सअ‍ॅपने ग्रुप कॉलिंग फीचर दिले होते, ज्यामध्ये एका वेळी जास्तीत जास्त लोक व्हिडीओ कॉल करू शकतील. यामुळे वापरकर्ते एका वेळी जास्तीत जास्त ७ जणांना कॉल करण्यास सक्षम होते. मात्र आता त्याची संख्या १५ करण्यात येत आहे. WhatsApp Android Beta 2.23.15.14 Google Play Store अपडेटनुसार, WhatsApp ने १५ लोकांना कॉल करण्याचा पर्याय उपलब्ध करून दिला आहे. व्हॉट्सअ‍ॅपच्या नवीन अपडेटनंतर कॉलरचा वेळ खूप वाचणार आहे. या हे अपडेट लवकरच इतर वापरकर्त्यांसाठी आणले जाऊ शकते.

व्हॉट्सअ‍ॅप वापरकर्त्यांना अवतार फीचर्स ही मिळणार
मेटाच्या व्हॉट्सअ‍ॅप अपडेटमध्ये नवीन अ‍ॅनिमेटेड अवतार फीचर आणण्यात आले आहे. हे अपडेट iOS आणि Android वापरकर्त्यांसाठी आहे. WhatsApp द्वारे वेळोवेळी नवीन वैशिष्ट्ये आणली जातात, ज्यामुळे वापरकर्त्यांना चॅटिंग आणि कॉलिंगचा उत्तम अनुभव मिळू शकतो.

व्हॉट्सअ‍ॅपवर एकापेक्षा एक नवीन फीचर्स येत असून आता देखील आम्ही एक खास टिप सांगणार आहोत, ज्यामुळे तुम्ही नंबर सेव्ह न करता व्हॉट्सअ‍ॅपवर चॅट करु शक
वाचा : WhatsApp New Feature : आता नंबर सेव्ह न करता ही करु शकता व्हॉट्सअ‍ॅपवर चॅटिंग, सोप्या आहेत स्टेप्स