इन्कम टॅक्स रिटर्न भरण्याची शेवटची तारीख आली जवळ, ‘या’ स्टेप्स फॉलो करुन ऑनलाइन भरा, नाहीतर दंड भरावा लागेल

By tejpolicetimes On Jul 29, 2023

नवी दिल्ली : Income Tax Return : इन्कम टॅक्स रिटर्न भरण्याची अंतिम मुदत आता जवळ आली आहे. ३१ जुलै अखेरची तारीख आहे. त्यामुळे तुम्ही अजून ITR भरला नसेल तर आता फक्त काही दिवस उरले आहेत. अनेकदा ही तारीख वाढवली जाते, पण सध्या सरकारने कोणतीही मुदतवाढ जाहीर केलेली नाही. अशामध्ये जर तुम्हाला ITR कसा फाइल करायचा हे माहित नसेल, तर या पोस्टमध्ये आम्ही तुम्हाला ते फाइल करण्यासाठी स्टेप बाय स्टेप प्रक्रिया सांगत आहोत. तसंच महत्त्वाचं म्हणजे तुम्ही मुदत चुकवल्यास, करदात्याला ५,००० रुपये दंड भरावा लागेल.

कोणत्या कागदपत्रांची आवश्यकता असेल?
आयकर विवरणपत्र भरण्यासाठी काही महत्त्वाची कागदपत्रे आवश्यक असतात. ऑनलाइन फाइल करण्यापूर्वी तुमचे पॅन कार्ड, आधार कार्ड, फॉर्म 16 आणि फॉर्म 26AS तयार ठेवा. याशिवाय, तुमच्याकडे तुमचे बँक खाते तपशील आणि स्टेटमेंट, गुंतवणुकीचे तपशील जसे की भाडे, कर्ज आणि तुमच्या उत्पन्नाच्या सर्व स्रोतांची माहिती असणे आवश्यक आहे. आयटीआर भरण्यापूर्वी हे सर्व तुमच्याजवळ असल्याची खात्री करा.

ऑनलाइन कसे भराल?

सर्वात आधी आयकरच्या ऑनलाइन पोर्टलवर जा आणि तुमचा पॅन किंवा आधार, वापरकर्ता आयडी आणि पासवर्ड टाकून तुमच्या खात्यात लॉग इन करा.
ई-फाइलचा पर्याय निवडून तुमचा रिटर्न फाइल करण्यासाठी इन्कम टॅक्स रिटर्नचा पर्याय निवडा.
तुम्ही ज्या वर्षासाठी फाइल करत आहात, आयटीआर फॉर्म क्रमांक, फाइलिंग प्रकार आणि सबमिशन मोड यासारखे आवश्यक तपशील एंटर करा.
तुम्हाला तुमची स्थिती रोजगार तपशीलांवर आधारित निवडावी लागेल.
आयटीआर फॉर्म नंबरमध्ये, तुम्हाला तुमच्यासाठी योग्य फॉर्म निवडावा लागेल आणि विचारलेले तपशील भरावे लागतील.
तुम्ही हे तपशील फॉर्म 26AS आणि फॉर्म 16 च्या मदतीने देखील भरू शकता.
पूर्ण भरल्यावर, कर तपशीलांचा संपूर्ण आढावा तुमच्या समोर येईल. तपशील नीट तपासा आणि ते बरोबर असल्यास पुढे जा.
यासाठी ‘प्रोसीड टू व्हॅलिडेशन’ वर क्लिक करा. यानंतर, उपलब्ध पर्यायांमधून वेरिफिकेशन पर्याय निवडा.
ई-व्हेरिफिकेशन केल्यानंतर सबमिट वर क्लिक करा.अशा प्रकारे तुमचे आयकर विवरणपत्र भरले जाईल.

वाचा :Online Scam : जास्त पैसे कमावण्याच्या नादात बसला लाखोंचा गंडा, एक क्लिक आणि खात्यातून ९.३५ लाख गायब

Source link