Twitter वर ५०० फॉलोवर्स आहेत? तुम्हीही कमवू शकता पैसे, वाचा कसं?

नवी दिल्ली : Twitter Post Monetization : आजकाल सोशल मीडिया प्लॅटफ़ॉर्म्स हे अनेकांसाठी कमाईचे साधन बनले आहेत. कितीतरी कंटेट क्रिएटर्स वेगवेगळ्या सोशल मीडिया प्लॅटफॉर्मच्या मदतीने पैसे कमावत असतात. आता ट्वीटरने देखील आपल्या कंटेट क्रिएटर्ससाठी कमाई करण्याचे खास फीचर सादर केले आहे. सोप्या भाषेत सांगायचे तर, तुम्ही तुमचे फोटो, व्हिडीओ आणि वेगवेगळा कंटेट ट्वीटरवर पोस्ट केलं की तुम्ही त्यातून कमाई करू शकाल. सर्वात चांगली गोष्ट म्हणजे ट्वीटरवर तुमचे फक्त ५०० फॉलोअर्स असले तरीही तुम्ही कमाईसाठी अर्ज करू शकता आणि ट्वीटरवरून चांगली कमाई करू शकता. चलातर याबद्दल सविस्तर जाणून घेऊया…

Twitter वरून कसे कमवायचे?
ट्वीटर सबस्क्रिप्शनसाठी फक्त तेच लोक अर्ज करू शकतात, ज्यांनी ट्वीटर ब्लू टिक सबस्क्रिप्शन घेतले आहे. तर सर्वात आधी म्हणजे डेस्कटॉपसाठी ट्वीटर ब्लू सब्सक्रिप्शन महिना ९०० रुपये आहे. तर मोबाईल ट्वीटर ब्लू सबस्क्रिप्शनसाठी दरमहा ६५० रुपये मोजावे लागतील. त्यानंतर तुमचे ट्वीटरवर किमान ५०० फॉलोअर्स असल्यास तुम्ही कमाईसाठी अर्ज करू शकता. पण अट अशी आहे की ५०० फॉलोअर्ससोबतच, तुम्हाला गेल्या तीन महिन्यांत ट्वीटरवर किमान १५ दशलक्ष इंप्रेशन मिळाले पाहिजेत. तुम्ही या सर्व अटी पूर्ण केल्यास, Twitter कंटेट मॉनीटायजेशन कार्यक्रमात सामील होऊ शकता. यानंतर तुम्ही ५० डॉलर्स (जवळफास ४००० भारतीय रुपये) कमावू शकाल.

अर्ज कसा करायचा?

• ट्वीटर कंटेट मॉनीटायजेशनकार्यक्रमासाठी, प्रथम तुम्हाला ट्वीटरच्या अकाउंटमध्ये सेटिंग्जवर जावे लागेल.
• यानंतर अकाउंट ऑप्शनच्या खाली मोनेटायझेशन ऑप्शनवर क्लिक करा.
• त्यानंतर तुम्हाला सबस्क्रिप्शन आणि अॅड रेव्हेन्यू शेअरिंगचा पर्याय मिळेल.
• यानंतर तुम्हाला दोन्ही पर्यायांवर क्लिक करावे लागेल.
• त्यानंतर तुम्हाला बँक खात्याची माहिती द्यावी लागेल.त्यानंतर तुमच्या पोस्ट किंवा व्हिडिओसोबत एक जाहिरात दिसेल, त्यानुसार तुम्हाला पैसे दिले जातील.

वाचा :Online Scam : जास्त पैसे कमावण्याच्या नादात बसला लाखोंचा गंडा, एक क्लिक आणि खात्यातून ९.३५ लाख गायब