बजेट लॅपटॉप शोधताय? जिओनं आणलं JioBook फक्त १६,४९९ रुपयांना, जबरदस्त आहेत फीचर्स

नवी दिल्ली : JioBook Launched in India : आजकाल लॅपटॉप ही एक फारच गरजेची वस्तू बनली आहे. म्हणजे अगदी शाळेच्या अभ्यासापासून ते कार्यालयीन कामकाजापर्यंत बऱ्याच गोष्टी लॅपटॉपवर होत असतात. त्यामुळे सामान्यांनाही लॅपटॉप गरजेचा झाला असून हीच गरज ओळखत जिओने आपला खास लॅपटॉप JioBook लाँच केला आहे. विशेष म्हणजे हा एक बजेट लॅपटॉप असून ११.६ इंचाच्या या लॅपटॉपची किंमत फक्त १६,४९९ रुपये आहे.
वाचा :सावध व्हा! आजकाल मोबाईल नंबर आणि लोकेशनच्या मदतीने होत आहे ऑनलाईन फ्रॉड, वाचा नेमकं प्रकरण काय?
JioBook चे स्पेसिफिकेशन्स
JioBook चे वजन फक्त ९९० ग्रॅम आहे, जे MacBook Air पेक्षा देखील हलके आहे. त्यामुळे हा एक अल्ट्रा स्लिम आणि सुपर लाईट लॅपटॉप आहे. यात 2 GHz ऑक्टा-कोर चिपसेट आहे. लॅपटॉप 11.6 इंच अँटी-ग्लेअर HD डिस्प्ले आहे. यात इन्फिनिटी कीबोर्ड आणि मल्टी-जेश्चर ट्रॅकपॅड आहे. लॅपटॉपमध्ये इनबिल्ट पोर्ट, ऑडिओ आणि HDMI पोर्ट कनेक्टिव्हिटी आहे. लॅपटॉप 4GB रॅम आणि 64GB अंतर्गत स्टोरेजसह येतो. मायक्रो एसडी कार्डच्या मदतीने लॅपटॉपचे स्टोरेज 256GB पर्यंत वाढवता येते. JioBook HD वेबकॅमसह येतो आणि स्टिरीओ साउंडलाही सपोर्ट करतो. हा लॅपटॉप 4G आणि ड्युअल-बँड वायफाय कनेक्टिव्हिटीसह येतो.

कधी, कुठे घेऊ शकता विकत?
तर हे जिओबुक ५ ऑगस्ट, २०२३ पासून विक्रीसाठी उपलब्ध होणार आहे. तुम्ही Amazon.in वरुन हे विकत घेऊ शकता. तसंच रिलायन्स डिजीटलच्या ऑनलाईन आणि ऑफलाईन साईटवरुनही तुम्ही हे मागवू शकता.

वाचा : Instagram Tips : इन्स्टाग्रामवर एकदम क्लिअर व्हिडीओ कसा अपलोड करायचा? लाईक्सचा पडेल पाऊस