इंडियन पोस्टमध्ये GDS पदासह विविध जागांसाठी भरतीची घोषणा; परीक्षेशिवाय होणार निवड प्रक्रिया

भरती आणि भरतीचा तपशील

• उमेदवारांची निवड दहावीच्या गुणवत्तेच्या आधारे केली जाणार आहे.
• ग्रामीण डाक सेवक, शाखा पोस्ट मास्टर, सहाय्यक शाखा पोस्ट मास्टर या पदांकरता ही भरती घेण्यात येणार आहे.

एवढे असेल अर्ज शुल्क :

० सर्वसाधारण, ओबीसी आणि ईडब्ल्यूएस श्रेणीसाठी अर्ज शुल्क १०० रुपये अर्ज शुल्क भरावे लागणार आहे.
० तर SC, ST, PWD आणि महिलांसाठी या जागांच्या भरतीसाठी कोणत्याही प्रकारचे अर्ज शुल्क भरावे लागणार नाही.
० या भरतीसाठी अर्ज करताना उमेदवार ऑनलाइन पद्धतीने अर्ज शुल्क भरणे अनिवार्य असणार आहे.

(वाचा : Google Job Opportunity: गुगलमध्ये नोकरी मिळवायची आहे, मग या टॉप प्लेसमेंट टिप्स खास तुमच्यासाठी…)

वयोमर्यादा :

India Post GDS Recruitment मधील विविध जागांसाठी अर्ज करण्यासाठी इच्छुक असणाऱ्या उमेदवारांचे किमान २३ ऑगस्ट २०२३ पर्यंत वय १८ वर्षे आणि कमाल वय ४० वर्षे असणे आवश्यक आहे. शिवाय, OBC, EWS, SC, ST आणि राखीव प्रवर्गातील उमेदवारांनाही नियमांनुसार सूट दिली जाणार आहे.

कोण अर्ज करू शकतो :

इंडिया पोस्ट GDS भरतीसाठी अर्ज करणाऱ्या उमेदवार कोणत्याही मान्यताप्राप्त बोर्डामधून दहावी उत्तीर्ण झालेला असणे गरजेचे आहे.
यासोबतच, उमेदवारांना स्थानिक भाषेचे ज्ञान, संगणक व सायकलिंगचे ज्ञान असणे आवश्यक आहे.

निवड प्रक्रिया :

• उमेदवारांच्या दहावीमधील गुणांच्या आधारे त्यांची निवड केली जाणार आहे.
• त्यानंतर, सदर उमेदवारांची कागदपत्रे पडताळणीसाठी मागवली जातील.
• त्यानंतर वैद्यकीय चाचणी घेतली जाईल आणि अंतिम यादी प्रसिद्ध केली जाईल.

अर्ज करताना ही कागदपत्रे आवश्यक असतील :

1. आधार कार्ड.
2. दहावीची गुणपत्रिका.
3. मूळ पत्त्याचा पुरावा.
4. पासपोर्ट आकाराचा फोटो आणि स्वाक्षरी
5. मोबाईल नंबर आणि ईमेल आयडी
6. जात प्रमाणपत्र
7. PWD प्रमाणपत्र (असल्यास)

(वाचा : Acharya College Hijab Controversy: मुंबईतील कॉलेजमध्ये हिजाब घालण्यावर बंदी…? काय आहे कॉलेजची भूमिका)