ठरलं तर! सरड्याप्रमाणे रंग बदलणाऱ्या बॅक पॅनलसह होणार Vivo V29e ची एंट्री; लाँच डेट आली

Vivo V29e 5G ची लाँच डेट

Vivo India नं आपल्या सोशल मीडिया प्लॅटफॉर्म X (Tweet) च्या माध्यमातून फोनची लाँच डेट सांगितली आहे. विवोनं सांगितलं आहे की बहुप्रतीक्षित Vivo V29e २८ ऑगस्ट, २०२३ ला येत आहे. तसेच कंपनीनं माहिती दिली आहे की ह्या स्मार्टफोनमध्ये ओआयएस सपोर्टसह ६४ मेगापिक्सलचा कॅमेरा मिळेल. हा कॅमेरा स्ट्रीप कॅमेरा मॉड्यूलमध्ये मिळेल. तसेच फोनमध्ये कलर चेंजिंग बॅक पॅनल मिळेल. तसेच पंच होल डिजाइन असलेल्या फोनमध्ये बेझल्स ५८.७ डिग्री कर्व्ह असतील.

वाचा: एअरोप्लेन मोड ऑन करून देखील आलं नाही मोबाइल नेटवर्क? मग ह्या टिप्स मिळवून देतील सिग्नल

Vivo V29e 5G चे लीक स्पेसिफिकेशन्स

Vivo V29e 5G चे लीक फीचर्स पाहता, ह्या फोनमध्ये कर्व्ह AMOLED डिस्प्ले मिळेल, जो १२० हर्ट्झ रिफ्रेश रेटला सपोर्ट करेल. फोन आर्टिस्टिक रेड आणि ब्लू कलर ऑप्शनमध्ये सादर केला जाईल. फोन Qualcomm Snapdragon ४८० 5G प्रोसेसरसह येऊ शकतो, जो क्वॉलकॉमचा सर्वात स्वस्त ५जी प्रोसेसर आहे.

फोनमध्ये ४,६००एमएएचची बॅटरी दिली जाऊ शकते, जी ८० वॉट फास्ट चार्जिंगला सपोर्ट करू शकते. फोनमध्ये अँड्रॉइड १३ बेस्ड FuntouchOS चा सपोर्ट दिला जाईल. ह्या फोनच्या इतर फीचर्सची माहिती देण्यात आलेली नाही. विवोच्या ह्या मिड बजेट फोनचे अन्य फीचर्स ह्या सीरीजच्या अन्य दोन्ही मॉडेल्स प्रमाणे असू शकतात किंवा काही डाऊनग्रेड हार्डवेयर मिळू शकतात.

वाचा:SIM Card खरेदीसाठी पोलीस व्हेरिफिकेशन आवश्यक; उल्लंघन केल्यास १० लाखांचा दंड

हा ह्या सीरिजचा सर्वात स्वस्त स्मार्टफोन असू शकतो. तसेच ह्याचे लीक स्पेसीफिकेशन्स देखील मिडरेंज वाटत आहेत. मीडिया रिपोर्ट्सनुसार हा स्मार्टफोन भारतात २५,००० रुपयांच्या आत सादर केला जाऊ शकतो.