जलसंपदा विभागात क आणि ड वर्गातील १६ हजार जागा रिकाम्याच, गेल्या दहा वर्षांपासून भरती नाही

राज्यातील जलसंपदा विभाग हा पाणीपुरवठा व कृषी सिंचनाच्या दृष्टीने अत्यंत महत्त्वाचा समजला जातो. मोठ्या प्रमाणावर पाऊस पडणाऱ्या कोकण विभागातही एप्रिल व मे महिन्यात पाणीटंचाईला सामोरे जावे लागते. कमी पावसाच्या मराठवाडा व विदर्भात तर अनेक ठिकाणी दरवर्षी दुष्काळसदृश परिस्थिती असते. असे असताना जलसंपदा विभागात सध्या गट क व ड वर्गात सध्या १६ हजारांहून अधिक पदे रिक्त आहेत. गेल्या दहा वर्षात ही भरती न झाल्यामुळे रिक्त पदे लवकरात लवकर भरण्याची मागणी कोकण विभाग कृषी पदवी व पदवीधारक संघर्ष समितीच्यावतीने राज्याचे मुख्यमंत्री आणि उपमुख्यमंत्री यांच्याकडे केली आहे.

गट ‘क’ आणि गट ‘ड’ वर्गातील रिक्त पदांचा तपशील खालीलप्रमाणे आहे.

गट ‘क’ वर्गातील रिक्त पदांचा तपशील खालीलप्रमाणे आहे :

1 प्रथम लिपिक : ५५ जागा
2 आरेखक : १४४ जागा
3 भांडारपाल : ६८ जागा
4 सहाय्यक आरेखक : १९१ जागा
5 स्थापत्य अभियांत्रिकी सहाय्यक : २ हजार ५७१
6 वरिष्ठ लिपिक : ७०५ जागा
7 अनुरेखक : ९७६ जागा
8 संदेशक : १९० जागा
9 टंकलेखक : ५३ जागा
10 वाहनचालक : ८२४ जागा
11 कनिष्ट लिपिक : १ हजार ९६८ जागा
12 सहाय्यक भांडारपाल : १८१ जागा
13 दप्तरी कापकून : ५३४ जागा
14 मोजणीदार : ९५१ जागा
15 कालवा निरीक्षक : १ हजार ४७१

गट ‘ड’ वर्गातील रिक्त पदांचा तपशील खालीलप्रमाणे आहे :

1 नाईक : २४५ जागा
2 शिपाई : २ हजार ३५७ जागा
3 चौकीदार : १ हजार ०५७ जागा
4 कालवा चौकीदार : ७८४ जागा
5 कालवा टपाली : ३३० जागा
6 प्रयोगशाळा परिचर : १५२ जागा
7 तप्तरी : ६ जागा