Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
अरे वाह! फक्त 12 हजारांच्या आत १६जीबी रॅम; Tecno Pova 5 व Pova 5 Pro 5G ची भारतीय किंमत आली
Tecno Pova 5 Series ची झलक काही दिवसांपूर्वी कंपनीनं एका इव्हेंटच्या माध्यमातून दाखवली होती. तर आता ह्या स्मार्टफोनची किंमत समोर आली आहे. कंपनीनं Pova 5 आणि Pova 5 Pro 5G ची किंमत Amazon वर लिस्ट केली आहे. हे दोन्ही डिवाइसेज १६जीबी पर्यंत रॅम आणि २५६जीबी पर्यंत इंटरनल स्टोरेजसह येतात. चला जाणून घेऊया ह्यांची किंमत आणि स्पेसिफिकेशन्स.
Tecno Pova 5 Series ची किंमत
Tecno Pova 5 स्मार्टफोनच्या ८जीबी रॅम आणि १२८जीबी स्टोरेज असलेल्या एकमेव मॉडेलची किंमत ११,९९९ रुपये आहे. फोनचा रॅम ८जीबी व्हर्च्युअली एक्सपांड करता येतो, म्हणजे एकूण १६जीबी रॅमची ताकद मिळते. Pova 5 Pro 5G मध्ये ८जीबी रॅम आणि २५६जीबी स्टोरेज मिळते. तसेच ह्यात देखील ८जीबी व्हर्च्युअल रॅमचा सपोर्ट आहे, ज्याची किंमत १४,९९९ रुपये आहे.
हे दोन्ही फोन २२ ऑगस्ट दुपारी १२ वाजता Amazon वरून विकले जातील. ह्यांच्या खरेदीवर १,००० रुपयांचा अतिरिक्त एक्सचेंज डिस्काउंट दिला जाईल. तसेच ६ महीनेसाठी नो-कॉस्ट ईएमआयचा पर्याय देखील आहे. Tecno Pova 5 स्मार्टफोन Hurricane Blue, Mecha Black आणि Amber Gold मध्ये विकत घेता येईल, तर Pova 5 Pro चे Mecha Black आणि Amber Gold व्हेरिएंट उपलब्ध होतील.
Tecno POVA 5 चे स्पेसिफिकेशन्स
ह्या मोबाइल फोनमध्ये ६.७८ इंचाचा फुलएचडी+ डिस्प्ले देण्यात आला आहे. ह्या स्क्रीनवर १२०हर्ट्झ रिफ्रेश रेट मिळतो. टेक्नो पोवा ५ मध्ये प्रोसेसिंगसाठी ६नॅनोमीटर फॅब्रिकेशनवर बनलेला मीडियाटेक हीलियो जी९९ ऑक्टाकोर प्रोसेसर देण्यात आला आहे. हा मोबाइल फोन अँड्रॉइड १३ वर लाँच झाला आहे जो हायओएस १३.१ सह मिलकर चालतो. हा मोबाइल ८जीबी वचुर्अल रॅमला सपोर्ट करतो जो इंटरनल ८जीबी रॅमसह मिळून १६जीबी रॅमची पावर देतो.
वाचा: १ वर्षाचा रिचार्ज मोफत मिळवण्याची संधी! कंपनी देत आहे फ्री ५०जीबी डेटा
फोटोग्राफीसाठी फोनच्या बॅक पॅनलवर ड्युअल रियर कॅमेरा सेटअप देण्यात आला आहे ज्यात ५० मेगापिक्सलचा प्रायमरी सेन्सर आणि एक एआय लेन्स आहे. तसेच सेल्फी आणि व्हिडीओ कॉलिंगसाठी मोबाइलमध्ये ८ मेगापिक्सलचा फ्रंट कॅमेरा देण्यात आला आहे. पावर बॅकअपसाठी Tecno POVA 5 मध्ये ६,०००एमएएच बॅटरी देण्यात आली आहे. ही मोठी बॅटरी वेगानं चार्ज करण्यासाठी ४५वॉट फास्ट चार्जिंग टेक्नॉलॉजी मिळते.
Tecno POVA 5 Pro चे स्पेसिफिकेशन्स
टेक्नो पोवा ५ प्रो मध्ये देखील ६.७८ इंचाची फुलएचडी+ स्क्रीन आहे जी १२०हर्ट्झ रिफ्रेश रेटवर चालते. हा फोन अँड्रॉइड १३ आधारित हायओएस १३.१ वर लाँच झाला आहे. ज्यात प्रोसेसिंगसाठी मीडियाटेक डायमेन्सिटी ६०८० ऑक्टाकोर प्रोसेसर देण्यात आला आहे. तसेच ग्राफिक्ससाठी हा फोन माली-जी५७ एमसी२ जीपीयूला सपोर्ट करतो.
फोटोग्राफीसाठी ह्यात ड्युअल रियर कॅमेरा सेटअप देण्यात आला आहे ज्यात ५० मेगापिक्सलचा प्रायमरी सेन्सर आणि सेकंडरी एआय लेन्स आहे. सेल्फी आणि व्हिडीओ कॉलिंगसाठी Tecno POVA 5 Pro फोनमध्ये १६ मेगापिक्सलचा फ्रंट कॅमेरा देण्यात आला आहे.
वाचा: ४० लाख महिलांना मोफत मिळतील Realme आणि Redmi फोन, अशी आहे स्कीम
ह्या फोनमध्ये एनएफसी आणि ३.५mm जॅक देखील देण्यात आला आहे. तर साइड माउंटेड फिंगरप्रिंट सेन्सर सोबतच यूएसबी टाइप-सी पोर्ट तसेच अन्य बेसिक कनेक्टिव्हिटी फीचर्स मिळतात. पोवा ५ प्रो स्मार्टफोन ६८वॉट फास्ट चार्जिंग टेक्नॉलॉजीसह बाजारात आला आहे. तसेच पावर बॅकअपसाठी यात ५,०००एमएएचची बॅटरी पण देण्यात आली आहे.