Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
करियरच्या नव्या वाटा, नवे क्षेत्र प्रत्येकालाच हवे असते. कारण एकाच क्षेत्रात करियर करण्यासाठी लाखो विद्यार्थी आले की बऱ्याचदा रोजगाराचाही प्रश्न निर्माण होतो. म्हणून हल्ली तरुणाई काहीतरी हटके आणि वेगळे करिअर निवडण्याला प्राधान्य देते. असाच एक करिअरचा भन्नाट पर्याय म्हणजे ‘व्हिडीओ एडिटर.’
हल्ली मनोरंजन क्षेत्रात आणि व्हिडीओ जगतात अक्षरशः क्रांती झाली आहे. रोज नवे तंत्रज्ञान आणि नवे बदल घडत आहेत. दूरचित्रवाणी क्षेत्रात झपाट्याने कायापालट होत आहे. शिवाय चित्रपट क्षेत्रातही नवनवीन प्रयोग होत आहेत. आज बॉलीवूडच्या तोडीस तोड मराठी चित्रपट उभे राहत आहेत. अगदी १०० कोटी ही रक्कमही मराठी चित्रपटाने मिळवून दाखवली आहे. त्यामुळे या क्षेत्रात करिअरच्या बऱ्याच संधी निर्माण झाल्या आहेत.
हल्ली मनोरंजन क्षेत्रात आणि व्हिडीओ जगतात अक्षरशः क्रांती झाली आहे. रोज नवे तंत्रज्ञान आणि नवे बदल घडत आहेत. दूरचित्रवाणी क्षेत्रात झपाट्याने कायापालट होत आहे. शिवाय चित्रपट क्षेत्रातही नवनवीन प्रयोग होत आहेत. आज बॉलीवूडच्या तोडीस तोड मराठी चित्रपट उभे राहत आहेत. अगदी १०० कोटी ही रक्कमही मराठी चित्रपटाने मिळवून दाखवली आहे. त्यामुळे या क्षेत्रात करिअरच्या बऱ्याच संधी निर्माण झाल्या आहेत.
त्यातही अभिनय, दिग्दर्शक यांची आपल्याकडे कमी नाही पण एक जागा अशी आहे ज्याची या क्षेत्राला प्रचंड गरज आहे, ती म्हणजे व्हिडीओ एडिटर. मग जाहिरात असो, दृक श्राव्य गाणी, मालिका किंवा चित्रपट.. तिथे व्हिडीओ एडिटर लागतोच. त्यामुळे हे एक करिअरचे उत्तम क्षेत्र आहे. त्यासाठी तुमच्याकडे कम्प्युटर, विविध तंत्रज्ञान याचे उत्तम ज्ञान हवे. सॉफ्टवेअर हाताळायची सवय हवी. तसेच दांडगी कल्पनाशक्ती आणि एक कथा, विषय समजून घेण्याची, त्याला नवा आकार देण्याची क्षमता हवी. हे कौशल्य जर तुम्हाला अवगत असेल तर तुम्ही उत्तम व्हिडिओ एडिटर होऊ शकता. आपल्याकडे खासगी आणि सरकारी संस्थांमध्ये याचे कोर्सेस देखील उपलब्ध आहेत.
(वाचा: Sub Inspector Recruitment 2023: कंबर कसा.. सब इन्स्पेक्टर पदासाठी सुरु झाली आहे महाभरती! असा करा अर्ज..)
व्हिडीओ एडिटर नेमके काय करतो?
एखादा चित्रपट, जाहिरात, मालिका तयार होत असताना त्याला अंतिम आकार देणारा हा व्हिडिओ एडिटर असतो. ती कलाकृती कशी दिसेल, ती कशी पोहोचेल, त्याचा भाव, रंग, संगीत कसे असेल हे ठरवणारा व्हिडीओ एडिटर असतो. त्याची कल्पनाशक्ती भन्नाट असेल तर एखाद्या कलाकृतीला दिग्दर्शकाच्या अपेक्षेपेक्षाही वरच्या दर्जाला नेऊन ठेवायचे काम एडिटर करतो. एखाद्या व्हिडीओसाठीचे फुटेज एडिट करणे, कोणते दृश्य कोठे योग्य लागू पडते त्यानुसार ते लावणे, त्याला संगीत आणि आवाजाची जोड देणे हे काम एडिटर करतो.
व्हिडीओ एडिटर होण्यासाठीचे शिक्षण:
सर्टिफिकेट कोर्स इन व्हिडीओ एडिटिंग अँड साउंंड रेकॉर्डिंग
डिप्लोमा इन पोस्ट प्रॉडक्शन अँड व्हिडीओ एडिटिंग
बॅचलर ऑफ व्हिडीओ एडिटिंग अँड टीव्ही प्रोग्रामिंग आणि अन्य काही शाॅर्ट कोर्सेस देखील उपलब्ध आहेत.
या क्षेत्रातील संधी…
जर तुमच्याकडे एडिटिंगचे उत्तम कौशल्य असेल आणि सोबत व्हिडीओ एडिटिंगच्या शिक्षणाचीही जोड असेल तर तुमच्यासाठी हजारो संधी उपलब्ध आहेत. जाहिरात क्षेत्रात, बातमी देणाऱ्या वाहिन्या, प्रसारमाध्यमे यांच्यामध्ये एडिटरच्या जागा असतात. शिवाय मनोरंजन क्षेत्रात असणाऱ्या वाहिन्या आणि निर्मिती संस्थेतही एडिटरसाठी संधी असते. याशिवाय वेब डिझायनिंग कंपनी, म्युझिक वर्ल्ड, फीचर आणि व्हिडीओज, प्रोडक्शन स्टुडिओ अशा अनेक ठिकाणी संधी आहेत. विशेष म्हणजे एकदा तुम्ही व्हिडीओ एडिटर म्हणून ओळख मिळवली की स्वतःचा स्टुडिओ सुरु करून व्यवसायही करू शकता. व्हिडीओ एडिटरला सुरुवातीलाच नोकरीमध्ये २५ हजारांपासून पुढे वेतन दिले जाते. तुमचा अनुभव आणि कौशल्य असेल तर तुम्ही लाखो रुपये सुद्धा एडिटिंगसाठी आकारू शकता. चित्रपटांसाठी तर एडिटरला लाखो रुपयांचे पॅकेज दिले जाते.
(वाचा: ZP Recruitment 2023: महाभरती! राज्यातील 34 जिल्हा परिषदा आणि १९ हजार जागा.. असा करा अर्ज..)