Tecno Pova 5 Pro 5G Price: ८जीबी रॅम असलेल्या स्वस्त फोनवरही १००० रुपयांची सूट, आजपासून विक्री सुरु

By tejpolicetimes On Aug 22, 2023

टेक्नोच्या नथिंग फोन सारखी डिजाइन असलेल्या स्मार्टफोन टेक्नो पोवा ५ प्रो ५जी ची विक्री आज म्हणजे २२ ऑगस्ट २०२३ पासून सुरु होत आहे. ह्या सीरीज अंतगर्त दोन स्मार्टफोन सादर करण्यात आले आहेत, ज्यांची नावे टेक्नो पोवा ५ आणि टेक्नो पोवा ५ प्रो ५जी अशी आहेत. ह्या दोन्ही स्मार्टफोनची विक्री आज दुपारी १२ वाजता ई-कॉमर्स प्लॅटफॉर्म अ‍ॅमेझॉनवर सुरु होईल.

किंमत आणि उपलब्धता

मोठ्या टेक्नो ५ प्रो ५जी चे दोन व्हेरिएंट भारतात आले आहेत. ह्यातील ८जीबी रॅम व २५६जीबी स्टोरेज मॉडेलची किंमत १५,९९९ रुपये आहे तर ८जीबी रॅम आणि १२८जीबी स्टोरेज व्हेरिएंटसाठी १४,९९९ रुपये मोजावे लागतील. हा फोन सिल्व्हर फॅन्टसी आणि डॉर्क इल्यूजन कलरमध्ये विकत घेता येईल

टेक्नो पोवा ५ ची किंमत ११,९९९ रुपये ठेवण्यात आली आहे, जो अँबर गोल्ड, ब्लॅक आणि हरिकेन ब्लू कलरमध्ये विकत घेता येईल. ह्या दोन्ही स्मार्टफोनच्या खरेदीवर थेट १,००० रुपयांची एक्सचेंज ऑफर दिला जात आहे. फोन ६ महिन्याच्या नो-कॉस्ट ईएमआय ऑप्शनसह विकत घेता येईल.

वाचा: १२८जीबी मेमरी पुरत नाही? मग ३० हजारांच्या आत ५१२जीबी स्टोरेज मिळवा; पाहा बेस्ट फोन्सची यादी

टेक्नो पोवा ५ प्रो चे स्पेसिफिकेशन्स

टेक्नो पोवा ५ प्रो मध्ये एक आर्क इंटरफेस आहे ज्यात ३डी-टेक्सचर्ड डिजाइन आहे. ह्या इंटरफेसचा वापर नोटिफिकेशन, कॉल आणि म्युजिकसाठी करता येईल. फोनमध्ये ६.७८ इंचाचा फुल एचडी+ डिस्प्ले देण्यात आला आहे. फोन १२० हर्ट्झ रिफ्रेश रेटला सपोर्ट करतो. फोनमध्ये ऑक्टा-कोर मीडियाटेक डायमेन्सिटी चिपसेट देण्यात आला आहे.

फोन अँड्रॉइड १३ बेस्ड HiOS १३ इंटरफेस वर चालतो. जोडीला ८जीबी पर्यंत रॅम व १२८जीबी पर्यंतची स्टोरेज आहे. फोटोग्राफीसाठी ५०मेगापिक्सलचा प्रायमरी कॅमेरा देण्यात आला आहे. फ्रंटला १६ मेगापिक्सलचा सेल्फी कॅमेरा देण्यात आला आहे. फोन ६८वॉट फास्ट चार्जिंग सपोर्टसह येतो. फोनमध्ये ५०००एमएएचची बॅटरी मिळते.

वाचा: नव्या आयफोनच्या ऐवजी Apple नं विकला Demo Phone, भरावा लागणार दंड; असा ओळखा अस्सल iPhone

टेक्नो पोवा ५ चे स्पेसिफिकेशन्स

Tecno Pova 5 मध्ये ऑक्टा-कोर मीडियाटेक हीलियो जी९९ चिपसेट देण्यात आला आहे. फोन अँड्रॉइड १३ ऑपरेटिंग सिस्टमवर चालतो. फोनमध्ये अँड्रॉइड १३ बेस्ड HiOS 13 चा सपोर्ट देण्यात आला आहे. फोन ६.७८-इंच FHD+ डिस्प्ले मिळतो. फोनच्या मागे ५० मेगापिक्सलचा प्रायमरी कॅमेरा देण्यात आला आहे. तर फ्रंटला ८ मेगापिक्सलचा फ्रंट कॅमेरा मिळतो. फोन ४५ वॉट फास्ट चार्जिंगसह ६०००एमएएचच्या बॅटरीला सपोर्ट करतो.

Source link