Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
१० इंचाचा भलामोठा डिस्प्ले! Acer ने भारतात लाँच केले दोन स्वस्त टॅबलेट्स, जाणून घ्या किंमत आणि फीचर्स
Acer नं भारतात दोन स्वस्त टॅबलेट्स One 8 आणि One 10 लाँच केले आहेत. हे विद्यार्थी आणि बजेट युजर्सचा विचार करून बनवण्यात आले आहेत. ज्यात MediaTek चा प्रोसेसर, ४जी सपोर्ट आणि लाइटवेट डिजाइन मिळते. त्याचबरोबर ड्युअल रियर कॅमेरा सेटअप आणि LED फ्लॅश लाइट मिळते. हे टॅबलेट्स कंपनीच्या एक्सक्लूसिव्ह रिटेल स्टोर्ससह अधिकृत ई-स्टोरवरून विकत घेता येतील.
एसर टॅबलेटची किंमत
Acer One 8 दोन स्टोरेज व्हेरिएंट्समध्ये आला आहे. ज्यात ३जीबी रॅम व ३२जीबी आणि ४जीबी रॅम व ६४जीबी स्टोरेज आहे. ह्याची प्रारंभिक किंमत १२,९९० रुपये आहे. तर, Acer One 10 देखील दोन स्टोरेज व्हेरिएंट्स- ४जीबी रॅम व ६४जीबी आणि ६जीबी रॅम + १२८जीबीसह येतात. ह्याची प्रारंभिक किंमत १७,९९० रुपये आहे.
वाचा: तुम्हीही फोन कव्हरमध्ये नोट ठेवता? जीवघेणी ठरू शकते ही छोटीशी सवय, जाणून घ्या तज्ज्ञांचे मत
Acer One 8, One 10 चे स्पेसिफिकेशन्स
Acer One 8 मध्ये ८.७ इंचाचा WXGA+ IPS डिस्प्ले पॅनल मिळतो, तर One 10 मध्ये WUXGA १०.१ इंचाचा Incell डिस्प्ले मिळतो. हे दोन्ही टॅबलेट्स MediaTek MT8768 प्रोसेसर आणि Android 12 ऑपरेटिंग सिस्टमवर चालतात. जोडीला IMG PowerVR GE8320 GPU देण्यात आले आहे. ह्या टॅबलेट्स मध्ये ७,१००एमएएचची बॅटरी मिळते, जोडीला USB Type C चार्जिंग फीचर मिळेल. ह्यात 4G VoLTE सह ब्लूटूथ ५.०, Wi-Fi5 सारखे कनेक्टिव्हिटी फीचर्स देण्यात आले आहेत.
Acer One 8 मध्ये ४जीबी रॅम आणि ६४जीबी इंटरनल स्टोरेजचा सपोर्ट मिळतो. ह्या टॅबलेटची इंटनरल स्टोरेज १टीबी पर्यंत एक्सपांड करता येते. Acer One 10 मध्ये ६जीबी रॅम आणि १२८जीबी पर्यंत इंटरनल स्टोरोजचा सपोर्ट मिळतो. हा टॅबलेट इंटरनल स्टोरेज १टीबी पर्यंत वाढवू शकतो.
वाचा: iPhone 15 मिनिटांत होणार चार्ज, फास्ट चार्ज करु शकणाऱ्या केबलचा फोटो झाला लिक
ह्या दोन्ही टॅबलेट्सच्या मागे ड्युअल कॅमेरा सेटअप मिळतो. One 8 च्या मागे ८ मेगापिक्सलचा सिंगल रियर कॅमेरा मिळेल. त्याचबरोबर एक LED फ्लॅश मिळतो. सेल्फी आणि व्हिडीओ कॉलिंगसाठी टॅबलेटमध्ये २ मेगापिक्सलचा कॅमेरा मिळेल. Acer One 10 च्या मागे ड्युअल रियर कॅमेरा सेटअप देण्यात आला आहे. ह्यात १३ मेगापिक्सलचा मुख्य कॅमेरा मिळतो, जोडीला एक AI कॅमेरा मिळेल. सेल्फी आणि व्हिडीओ कॉलिंगसाठी ह्यात ५मेगापिक्सलचा कॅमेरा मिळतो. Acer च्या हे दोन्ही टॅबलेट्स डिजिटल झूम आणि ऑटो-फोकस सारख्या फीचर्सला सपोर्ट करतात.