भव्यदिव्य सुभेदार सिनेमाची कोट्यवधींची कमाई, पण बजेटचा आकडा वाचून वाटेल आश्चर्य

प्रदर्शित झाल्यानंतर पहिल्या आठवड्यात सिनेमातनं ८ कोटी ७४ लाखांची कमाई केली होती. सोमवार पर्यंत सिनेमाची कमाई १० कोटींच्या वर जाईल, असं म्हटलं जात आहे. पहिल्या आठवड्यात सिनेमाला चांगला प्रतिसाद मिळाला असला तरी, बॉलिवूडच्या सिनेमांमुळं मोठी स्पर्धा पाहायला मिळत आहे. बॉलिवूडचे मोठे सिनेमे नसते तर, कदाचित हे आकडे आणखी चांगले असते.

बजेट किती?
तर सुभेदार सिनेमाचं बजेट हे १० कोटींच्या आसपास असल्याचं म्हटलं जात आहे. दुसऱ्या आठवड्यांतही बॉक्स ऑफिसवर जम बसवला तर सिनेमा आणखी चांगली कमाई करू शकतो.
पैसे नसतील तर त्यांना निर्माता का म्हणावं,लाखो रुपयांचं मानधन थकवल्यानं पुन्हा संतापला शशांक केतकर
शिवरायांनी आपल्या शूर शिलेदारांच्या साह्यानं हिंदवी स्वराज्याचं स्वप्न पाहिलं आणि ते प्रत्यक्षातही उतरवलं. महाराजांच्या शब्दासाठी आयुष्य पणाला लावणाऱ्या या शिलेदारांचा इतिहास रूपेरी पडद्यावर अपवादानंच मांडला गेला. सुभेदार तान्हाजी मालुसरे यांचा हाच जीवनपट ‘सुभेदार’ या चित्रपटातून आपल्यासमोर आला आहे. सुभेदार तान्हाजी मालुसरे यांचं कल्याणकारी जीवनकार्य आणि स्वराज्यासाठीच्या बलिदानाची तेजस्वी यशोगाथा मांडणाऱ्या या चित्रपटात मृणाल कुलकर्णी, चिन्मय मांडलेकर, अजय पूरकर, समीर धर्माधिकारी, अभिजित श्वेतचंद्र, स्मिता शेवाळे, उमा सरदेशमुख, अलका कुबल, ज्येष्ठ दिग्दर्शक मा. राजदत्त, दिग्पाल लांजेकर, मृण्मयी देशपांडे, आस्ताद काळे, शिवानी रांगोळे, विराजस कुलकर्णी, अजिंक्य ननावरे, ऋषी सक्सेना, नूपुर दैठणकर, अर्णव पेंढरकर आदी मराठीतल्या दिग्गज कलाकारांच्या भूमिका आहेत.

‘ए. ए. फिल्म्स’ आणि ‘एव्हरेस्ट एंटरटेंन्मेंट’ची प्रस्तुती असलेल्या ‘सुभेदार’ या चित्रपटाची निर्मिती ‘राजवारसा प्रॉडक्शन्स’, ‘मुळाक्षर प्रॉडक्शन्स प्रा. लि,’ ‘पृथ्वीराज प्रॉडक्शन्स’, ‘राजाऊ प्रॉडक्शन’, ‘परंपरा प्रॉडक्शन्स’ यांनी केली आहे. प्रद्योत पेंढारकर, अनिल वरखडे, दिग्पाल लांजेकर, चिन्मय मांडलेकर, श्रमिक गोजमगुंडे, विनोद जावळकर, शिवभक्त अनिकेत जावळकर, श्रुती दौंड हे ‘सुभेदार’ या चित्रपटाचे निर्माते आहेत.