‘गदर २’ चा २४ व्या दिवशीही जोरदार डंका, ‘पठाण’ला काहीच तासात टाकणार मागे; हवेत फक्त इतके कोटी

‘गदर २’ ची जागतिक कमाई जबरदस्त

‘गदर २’च्या जगभरातील कमाईबद्दल बोलायचे झाले तर, २४ दिवसांत ६५५ कोटींचा आकडा पार केला आहे. चित्रपटाने २३ दिवसांत ६४६.२० कोटी रुपयांची कमाई केली आहे, तर भारतातील एकूण कलेक्शन ५८२.२० कोटी रुपये आणि नेट कलेक्शन ४९३.३७ कोटी रुपये आहे.

अबाया घातल्याने ‘भयंकर दिसणारी व्यक्ती’ मुस्लिम होत नाही, नाव न घेता गौहर खानची राखीवर टीका​
पठाणच्या थोडा मागे राहिलाय गदर २

‘गदर २’ बॉलिवूडमधील सर्वाधिक कमाई करणाऱ्या ‘पठाण’ला मागे टाकण्याच्या दिशेने वेगाने वाटचाल करत आहे. ‘पठाण’ने भारतात एकूण ५४३.०९ कोटी रुपयांची कमाई केली होती. या चित्रपटाने जगभरात भरपूर नफा कमावला होता आणि जगभरात १०५०.०५ कोटींची कमाई केली होती. तर ‘गदर २’ला परदेशी बॉक्स ऑफिसवर फारसा फायदा मिळत नाहीये. मात्र, जिथे ‘पठाण’ २५० कोटींच्या बजेटमध्ये बनला होता, तिथे ‘गदर २’ फक्त ७५ कोटींच्या बजेटमध्ये बनवण्यात आला आहे.