बंदी हटल्यानंतर देखील Free Fire India साठी पाहावी लागणार वाट; कंपनीनं सांगितलं कारण

काही आठवड्यांनी करता येईल डाउनलोड

फ्री फायर इंडियानं आपल्या सोशल मीडिया अकाऊंटवरून म्हटलं आहे की आम्हाला भारतीय गेमर्सकडून मिळालेला हा प्रतिसाद खूप चांगला आहे. भारतीय गेमिंग कम्युनिटीनं देखील गेमच्या पुनरागमनाबाबत आनंद व्यक्त केला आहे. आम्ही प्लेयर्सना जेवढा चांगला अनुभव देता येईल ह्यासाठी प्रयत्न करत आहोत. आम्ही फ्री फायर इंडिया फॅन्सना सांगू इच्छितो की ह्या गेमचा लाँच आणखी काही आठवड्यांसाठी पुढे ढकलला जात आहे. गेम-प्ले आणखी चांगला बनवण्यासाठी आम्हाला आणखी थोडा वेळ हवा आहे, जेणेकरून ह्यात पूर्णपणे भारतीय एक्सपीरियंस मिळू शकेल. आम्ही फ्री फायर इंडिया कम्युनिटीचे देखील आभार मानू इच्छितो.

वाचा: जबरदस्त स्पेसीफिकेशन्ससह Oppo A38 झाला लाँच; किंमत असू शकते बजेट फ्रेंडली

गेल्या महिन्यात फ्री फायर इंडियानं ह्या गेमचं पुनरागमन कंफर्म केलं होतं. हा गेम आज म्हणजे ५ सप्टेंबरपासून डाउनलोडसाठी उपलब्ध होणार होता. हा बॅटल रॉयल गेम सध्या Google Play Store आणि Apple App Store वर प्री-रजिस्ट्रेशनसाठी उपलब्ध आहे.

भारतीय व्हर्जनमध्ये खास फीचर्स

Garena चा हा बॅटल रॉयल गेम भारतात फ्री फायर इंडियाच्या नावानं पुन्हा लाँच केला जात आहे. गेम डेव्हलपरनं BGMI प्रमाणेच हा गेम देखील भारतीय प्लेयर्सच्या हिशोबाने डेव्हलप केला आहे. ह्याच्या गेम-प्लेपासून ह्यात मिळणारे कॅरेक्टर्स देखील लोकलाइज्ड केले जात आहेत. त्याचबरोबर ह्या गेमच्या सर्वर होस्टिंग आणि डेटा स्टोरेज देखील भारतात केली जय. यासाठी भारतीय टेक कंपन्यांची मदत घेतली जाईल. तसेच गेममध्ये प्रायव्हसी, पॅरेंटल कंट्रोल आणि टाइम लिमिट सारखे फीचर्स जोडले जातील.

वाचा: बॅटलग्राउंड्स मोबाइल इंडिया (BGMI) चा ट्रायल पीरियड संपला! आता पुढे काय?