१२ जीबी रॅम, १२० वॉट फास्ट चार्जिंग असलेल्या फोनवर मोठा डिस्काउंट; iQOO Neo 7 5G ची किंमत झाली कमी

By tejpolicetimes On Sep 8, 2023

iQOO Neo 7 5G फोन यंदा फेब्रुवारी महिन्यात भारतात लाँच झाला होता. ह्या मोबाइलमध्ये १२० वॉट चार्जिंग, ६४ मेगापिक्सलचा कॅमेरा आणि १२ जीबी रॅम असे जबरदस्त फीचर्स मिळतात. आज कंपनीनं ह्या स्मार्टफोनची किंमत थेट २,००० रुपयांची कपात केली आहे. आयकू नियो ७ ५जी ची नवी किंमत तुम्ही पुढे वाचू शकता.

iQOO Neo 7 5G ची नवीन किंमत

iQOO Neo 7 5G मध्ये २ हजार रुपयांची कपात झाल्यामुळे ८जीबी रॅम व्हेरिएंटची किंमत २९,९९९ रुपयांवरून २७,९९९ रुपये झाली आहे. तर आयकू नियो ७ ५जी फोनचा १२जीबी रॅम मॉडेल ३३,९९९ रुपयांच्या ऐवजी ३१,९९९ रुपयांमध्ये विकत घेता येईल. ही किंमत ७ सप्टेंबरपासून लागू झाली आहे. फोन Interstellar Black आणि Frost Blue कलरमध्ये सेलसाठी उपलब्ध होईल.

वाचा: डोळ्यांसाठी सर्वात सुरक्षित स्मार्टफोन येतोय; कंपनी करणार पुनरागमन, HONOR 90 5G ची लाँच डेट आली

iQOO Neo 7 चे स्पेसिफिकेशन्स

आयकू नियो ७ ५जी फोन ६.७८ इंचाच्या फुलएचडी+ पंच-होल डिस्प्लेला सपोर्ट करतो जो १२०हर्ट्झ रिफ्रेश रेट आणि ३००हर्ट्झ टच सॅम्पलिंग रेटवर चालतो. ही स्क्रीन १३००निट्झ ब्राइटनेस आणि ३८८पीपीआयला सपोर्ट करते जी २डी ग्लासनं प्रोटेक्ट करण्यात आली आहे. प्रोसेसिंगसाठी ४नॅनोमीटर फॅब्रिकेशनवर बनलेला मीडियाटेक डायमेंसिटी ८२०० ऑक्टाकोर प्रोसेसर देण्यात आला आहे जो ३.१गीगाहर्ट्झ क्लॉक स्पीडवर चालतो. गेमिंगसाठी ह्या फोनमध्ये मोठा व्हेपर चेंबर आणि मल्टी लेयर ग्राफाइट ३डी कूलिंग सिस्टम टेक्नॉलॉजी मिळते.

वाचा: UPI ATM: डेबिट आणि क्रेडिट कार्डविना काढता येतील पैसे, जाणून घ्या संपूर्ण प्रोसेस

फोटोग्राफीसाठी आयकू नियो ७ च्या बॅक पॅनलवर ओआयएस सपोर्ट असलेला ६४ मेगापिक्सलचा प्रायमरी सेन्सर देण्यात आला आहे, जोडीला २ मेगापिक्सलची बोका लेन्स आणि २ मेगापिक्सलची मॅक्रो लेन्स आहे. सेल्फी आणि व्हिडीओ कॉलिंगसाठी १६ मेगापिक्सलचा फ्रंट कॅमेरा आहे. पावर बॅकअपसाठी आयकू नियो ७ मध्ये ५,०००एमएएचची बॅटरी आहे जी १२०वॉट फास्ट चार्जिंग टेक्नॉलॉजीला सपोर्ट करते.

Source link