Tej Police Times
मुंबई– शाहरुख खान आणि विजय सेतुपती यांसारख्या बॉलिवूड आणि दाक्षिणात्य सिनेसृष्टीतील दिग्गज कलाकारांचा ‘जवान’ बॉक्स ऑफिसवर धुमाकूळ घालत आहे. ऍटली दिग्दर्शित या चित्रपटाने चौथ्या दिवशी म्हणजे पहिल्या रविवारी बंपर कमाई केली आहे, तर पहिल्या सोमवारी कमाई सर्वात कमी झाली आहे. रविवारच्या तुलनेत सोमवारी पाचव्या दिवशी चित्रपटाने जवळपास ५० कोटींची कमाई केली आहे. बॉक्स ऑफिसची संपूर्ण स्थिती जाणून घेऊया.
पहिल्या सोमवारची कमाई
मात्र, पहिल्या सोमवारच्या कमाईबाबत ‘जवान’ची ‘गदर २’शी तुलना केली तर शाहरुख खानच्या चित्रपटाचा पराभव झाला आहे. शाहरुख खानच्या ‘जवान’ने पहिल्या सोमवारी ३० कोटींची कमाई केली होती, तर ‘गदर २’ने ३८.७ कोटींची कमाई केली होती.
पाच दिवसांत ‘जवान’ची जगभरातून कमाई
‘जवान’च्या जगभरातील कलेक्शनवर नजर टाकली, तर ५ दिवसांत ५५० कोटींचा आकडा पार केला आहे. शाहरुख खानच्या या चित्रपटाने अवघ्या ४ दिवसांत जगभरात ५२०.८० कोटींची कमाई केली आहे. ४ दिवसांत देशभरात एकूण ३४३.८० कोटी रुपयांचे कलेक्शन झाले, तर परदेशातही चित्रपटाने चांगली पकड ठेवली आहे. या चित्रपटाने ४ दिवसात परदेशात १७७.०० कोटींची कमाई केली आहे.
वडिलांच्या स्मरणार्थ पंकज त्रिपाठी यांनी केलं असं काही की…तुम्हीही कराल अभिनेत्याचं कौतुक
या चित्रपटात दाक्षिणात्य आणि बॉलिवूडमधील उत्कृष्ट कलाकारांचा समावेश
शाहरुखचा ‘जवान’ चित्रपट ७ सप्टेंबर रोजी थिएटरमध्ये प्रदर्शित झाला. ३०० कोटींच्या बजेटमध्ये बनलेला हा चित्रपट हिंदीशिवाय तमिळ आणि तेलुगू अशा ३ वेगवेगळ्या भाषांमध्ये उपलब्ध आहे. अॅटलीने त्यांचा चित्रपट जवळपास ५००० स्क्रीन्सवर प्रदर्शित केला आहे. चित्रपट आपल्या खर्चापेक्षा अधिक नफ्याच्या आकड्याकडे वेगाने वाटचाल करत असल्याचे दिसते. शाहरुख, नयनतारा आणि विजय सेतुपती व्यतिरिक्त या चित्रपटात सान्या मल्होत्रा, दीपिका पादुकोण, संजय दत्त, सुनील ग्रोवर, प्रियामणी असे अनेक कलाकार आहेत. प्रेक्षकांपासून ते इंडस्ट्रीतील दिग्गजांपर्यंत सर्वचजण या चित्रपटाचे भरपूर कौतुक करताना दिसत आहे.