Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Motorola नं केलं शक्तिप्रदर्शन! ६०००एमएएचच्या बॅटरीसह Moto G54 Power लाँच, नवा Moto G54 देखील आला
Motorola नं काही दिवसांपूर्वी भारतात नवीन स्मार्टफोन Moto G54 5G लाँच केला आहे. हा मोबाइल ६,०००एमएएच बॅटरी आणि ५० मेगापिक्सलच्या कॅमेऱ्याला सपोर्ट करतो. आज कंपनीनं Moto G54 5G जागतिक बाजारात आणला आहे जो इंडियन मॉडेलपेक्षा थोडा वेगळा आहे. त्याचबरोबर Moto G54 Power देखील लाँच झाला आहे. दोन्ही मोबाइल्सची किंमत, फीचर्स व स्पेसिफिकेशन्स तुम्ही पुढे वाचू शकता.
Moto G54 आणि Moto G54 Power चे स्पेसिफिकेशन्स
Moto G54 आणि Moto G54 Power चे स्पेसिफिकेशन्स जवळपास सारखेच आहेत परंतु कॅमेरा सेटअप थोडा वेगवेगळा आहे. तसेच दोन्ही स्मार्टफोनमधील बॅटरी देखील वेगळी आहे. मोटो जी५४ आणि मोटो जी५४ पावर २४०० x १०८० पिक्सल रिजोल्यूशन असलेल्या ६.५ इंचाच्या फुलएचडी+ डिस्प्लेसह लाँच झाले आहेत. ह्या फोन्सची स्क्रीन एलसीडी पॅनलवर बनली आहे जी १२०हर्ट्झ रिफ्रेश रेटला सपोर्ट करते.
हे देखील वाचा: Samsung देणार आयफोनपेक्षा जास्त चार्जिंग स्पीड; Galaxy S24, S24 Plus आणि S24 Ultra ची माहिती लीक
ये दोन्ही मोबाइल फोन अँड्रॉइड १३ वर लाँच झाले आहेत ज्यात प्रोसेसिंगसाठी ६नॅनोमीटर फॅब्रिकेशनवर बनलेला मीडियाटेक डायमेंसीटी ७०२० ऑक्टाकोर प्रोससर देण्यात आला आहे. त्याचबरोबर कंपनीनं ८जीबी रॅम आणि १२८ जीबीची स्टोरेज दिली आहे.
फोटोग्राफीसाठी Moto G54 च्या बॅक पॅनलवर ५० मेगापिक्सलच्या प्रायमरी सेन्सरसह २ मेगापिक्सल मॅक्रो सेन्सर देण्यात आला आहे तर Moto G54 Power ५०एमपीच्या प्रायमरी सेन्सरसह ८ मेगापिक्सल अल्ट्रा वाइड अँगल सेन्सर मिळतो. सेल्फी आणि व्हिडीओ कॉलिंगसाठी ह्यात १६ मेगापिक्सलचा फ्रंट कॅमेरा आहे.
मोटो जी५४ पावर बॅकअपसाठी ५,०००एमएएचच्या बॅटरीला सपोर्ट करतो त्याचबरोबर १५वॉट फास्ट चार्जिंग देण्यात आली आहे. तर मोटो जी५४ पावर मध्ये ३३वॉट फास्ट चार्जिंग टेक्नॉलॉजीसह ६,०००एमएएचची बॅटरी मिळते.
हे देखील वाचा: ISRO ची टेक्नॉलॉजी मिळणार प्रत्येक स्मार्टफोनमध्ये; नेव्हिगेशन सर्व्हिस NavIC सरकारनं केली अनिवार्य
Moto G54 ची युरोपमध्ये विक्री सुरु झाली आहे, ज्याची किंमत १७९ युरो ठेवण्यात आली आहे. हा फोन ब्लु, डार्क ग्रे आणि मिंट कलरमध्ये विकत घेता येईल. हे दोन्ही फोन चीन आणि भारतात मोटो जी५४ नावाने आले आहेत. परंतु युरोपमध्ये फरक समजावा म्हणून एकाच नाव बदलणं आवश्यक होतं.