Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
१५ हजार रुपयांपेक्षा कमी किंमतीत कर्व्ड AMOLED डिस्प्ले असलेला दमदार फोन; लवकरच येईल Itel S23+
यावर्षी जून महिन्यात Itel कंपनीनं भारतात Itel S23 स्मार्टफोन लाँच केला होता. आता कंपनी Itel S23+ स्मार्टफोन लाँच करण्याची तयारी करत आहे. हा फोन भारतात लवकरच लाँच केला जाईल. हा फोन १५,००० रुपयांपेक्षा कमी बजेटमध्ये सादर केला जाईल आणि ह्या किंमतीत येणारा हा पहिला फोन असेल जो 3D कर्व्ड AMOLED डिस्प्लेसह सादर केला जाईल, असं कंपनीनं सांगितलं आहे.
Itel S23+ ची किंमत
आफ्रिकेत Itel S23+ ची किंमत जवळपास ११२ यूरो (९,९६५ रुपये) आहे. हा दोन कलर व्हेरिएंटमध्ये विकत घेता येईल ज्यात लेक सियान आणि आणि एलिमेंटल ब्लूचा समावेश आहे. Itel आफ्रिकेत Itel S23+ ३ वर्षांच्या वॉरंटी आणि ६ महिन्यांच्या फ्री स्क्रीन रिप्लेसमेंटसह विकला जात आहे.
हे देखील वाचा: Jio AirFiber सेवा ‘या’ ८ शहरांमध्ये लाँच; ५९९ रुपयांपासून प्लॅन सुरू, मिळेल १ जीबीपीएस पर्यंत स्‍पीड
Itel S23+ चे संभाव्य फीचर्स
Itel S23+ मध्ये कर्व्ड डिस्प्ले दिला जाईल जो ६.७८ इंचाच्या AMOLED डिस्प्लेसह सादर केला जाईल. हा फुलएचडी+ रेजोल्यूशन, ५०० निट्झ ब्राइटनेस आणि गोरिल्ला ग्लास ५ च्या सपोर्टसह सादर केला जाऊ शकतो. हा अंडर-डिस्प्ले फिंगरप्रिंट स्कॅनरसह येणारा कंपनीचा पहिला फोन असेल.
फोनमध्ये Itel ओएस १३ वर आधारित अँड्रॉइड १३ ऑपरेटिंग सिस्टम मिळेल. Itel S23+ मध्ये ३२ मेगापिक्सलचा सेल्फी कॅमेरा मिळेल. जोडीला ५० मेगापिक्सलचा मेन कॅमेरा देखील मिळेल. Itel S23+ मध्ये यूनिसॉक टी६१६ चिपसेट आहे. जोडीला ८ जीबी एलपीडीडीआर४एक्स रॅम आणि २५६ जीबी यूएफएस २.० स्टोरेज मिळते. ह्यात ५०००एमएएचची बॅटरी आहे जी १८वॉट चार्जिंगला सपोर्ट करते.
हे देखील वाचा: आता तुमच्या WhatsApp वर येईल थेट पंतप्रधान नरेंद्र मोदींकडून मेसेज; चॅनेल केलं सुरु, असं करू शकता जॉइन
हा अ‍ॅवाना जीपीटी एआय-आधारित व्हॉइस असिस्टंटसह येईल. तसेच एक डायनॅमिक बार फीचर देखील मिळेल जे आयफोनवरील डायनॅमिक आयलंड नोटिफिकेशन फीचर सारखं असेल. नोटिफिकेशन व्यतिरिक्त रिमाइंडर आणि बॅटरी स्टेटस देखील ह्यात दिसेल.