Samsung च्या सर्वात स्वस्त ए सीरिज मध्ये नव्या मॉडेलची एंट्री; Galaxy A05 जागतिक बाजारात लाँच

Samsung Galaxy A05 ची किंमत

Samsung Galaxy A05 कंपनीच्या मलेशियन वेबसाइटवर लिस्ट झाला आहे. हा फोन ब्लॅक, लाइट ग्रीन आणि सिल्व्हर कलरमध्ये विकत घेता येईल. सध्या कंपनीनं किंमतीचा खुलासा केला नाही. लवकरच किंमत समोर येईल अशी अपेक्षा आहे. हा फोन 15 हजारांच्या आसपास सादर केला जाऊ शकतो. तसेच काही दिवसांनी ह्याची एंट्री भारतीय बाजारात होऊ शकते.

हे देखील वाचा: स्वस्तात मस्त फोनच नाही तर टॅबलेटही येणार; Samsung Galaxy S23 FE सह आणखी FE डिवाइस वेबसाइटवर लिस्ट

Samsung Galaxy A05 चे स्पेसिफिकेशन्स

सॅमसंगच्या नवीन मोबाइलमध्ये ६.७ इंचाचा PLS एलसीडी फुल एचडी + डिस्प्ले देण्यात आला आहे. जो ७२० x १६०० पिक्सल रिजॉल्यूशन आणि १६ मिलियन कलरचा सपोर्ट आहे. हँडसेटचे डायमेंशन १६८.८ x ७८.२ x ८.८ मिमी आणि वजन १९५ ग्राम आहे. पावर बॅकअपसाठी कंपनीनं ५००० एमएएचच्या बॅटरीचा वापर केला आहे.

ह्यात कंपनीनं ऑक्टा कोर मीडियाटेक हेलिओ जी८५ चिपसेट दिला आहे. हा प्रोसेसर २ गीगाहर्ट्जच्या मॅक्सिमम क्लॉक स्पीड वर चालतो.
डिवाइसमध्ये युजर्सना ६ जीबी रॅम आणि १२८ जीबी इंटरनल स्टोरेज मिळते. ही स्टोरेज मायक्रो एसडी कार्ड स्लॉटच्या मदतीनं १ टीबीपर्यंत वाढवता येईल.

हे देखील वाचा: Elon Musk नं दाखवला Tesla Optimus रोबोट, नमस्ते बोलून करतोय Yoga

फोनमध्ये ड्युअल रियर कॅमेरा सेटअप आहे. ज्यात ऑटो फोकस सपोर्ट असलेली ५० मेगापिक्सलची प्रायमरी कॅमेरा लेन्स आहे. त्याचबरोबर कंपनीनं २ मेगापिक्सलचा आणखी एक सेन्सर दिला आहे. तसेच सेल्फी आणि व्हिडीओ कॉलिंगसाठी ८ मेगापिक्सलचा फ्रंट कॅमेरा मिळतो. डिवाइसमध्ये लाइट सेन्सर, प्रॉक्सिमिटी सेन्सर, ब्लूटूथ, वाय-फाय, ३.५मिमी हेडफोन जॅक, ड्युअल सिम ४जी सारखे अनेक फीचर्स मिळतात.