Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
iPhone 15 सीरीज लाँचनंतर Apple कंपनी आपल्या नेक्स्ट जनरेशन आयफोन मॉडेलची तयारी करत आहे. लेटेस्ट लीक रिपोर्टनुसार, सध्या कंपनी ४ थ्या जनरेशनच्या iPhone SE मॉडेलवर काम करत आहे. कंपनीची एसई सीरिज कमी किंमतीत येते आणि एकच मॉडेल सादर केला जातो. आता आलेल्या रिपोर्टनुसार आगामी iPhone SE 4 मध्ये iPhone 14 सारखी डिजाइन मिळेल. सोबत Action Button आणि USB Type-C पोर्टचा देखील समावेश केला जाऊ शकतो.
iPhone SE 4 मधील मोठे बदल
MacRumours च्या रिपोर्टनुसार, iPhone SE 4 मॉडेलमध्ये iPhone 14 chassis मोडिफाइड करून वापरल्या जातील. ह्या चॅसीसमध्ये कंपनी दोन मोठे बदल सादर करू शकते. ज्यात Action Button आणि USB Type-C पोर्टचा समावेश केला जाऊ शकतो. हे दोन्ही फीचर Apple कंपनीनं iPhone 15 Series मध्ये सादर केले होते. आगामी आयफोन एसई ४ चं कोडनेम ‘Ghost’ आहे.
हे देखील वाचा: मोटोरोलाचा स्वस्त आणि मस्त फोन आला नव्या रंगात, किंमत आहे फक्त ६,७४९ रुपये
नवीन अ‍ॅक्शन बटन नवीन आयफोन मॉडेल्समधील म्यूट स्विचची जागा घेईल. ह्या अ‍ॅक्शन बटनच्या माध्यमातून युजर्स अनेक कामे करू शकतील. हे दोन बदल वगळता ४ थ्या जनरेशनच्या iPhone SE मध्ये iPhonen 14 च्या तुलनेत कंपनी इतर कोणतेही बदल करणार नाही.
कॅमेरा आणि डिस्प्लेची माहितीही लीक
लीकनुसार, आगामी आयफोन एसई मधील कॅमेरा अपग्रेड केला जाणार नाही. आधीप्रमाणे आयफोन एसई ४ मध्ये देखील एकच कॅमेरा दिला जाऊ शकतो, सोबत LED फ्लॅश असेल. तर काही रिपोर्ट्समध्ये दावा करण्यात आला आहे की आयफोन एसई ४ मॉडेल ४८ मेगापिक्सलच्या कॅमेऱ्यासह येऊ शकतो. तसेच फोनमध्ये नवीन OLED डिस्प्ले दिला जाऊ शकतो. ह्यात Touch ID होम बटन मिळणार नाही, त्याऐवजी कंपनी Face Id चा सपोर्ट देऊ शकते.
हे देखील वाचा: Vivo च्या जबरदस्त 5G Phone वर मिळवा ३००० रुपयांचा डिस्काउंट; पहिल्याच सेलमध्ये शानदार ऑफर