SSC MTS 2023 परीक्षेचा निकाल जाहीर; अधिकृत वेबसाइटवर ऑनलाइन पद्धतीने तपासता येणार निकाल

By tejpolicetimes On Sep 29, 2023

SSC MTS Result 2023 Date: स्टाफ सिलेक्शन कमिशनच्या वतीने मल्टी टास्किंग (MTS) कर्मचारी आणि हवालदार परीक्षा २०२३ चा निकाल लवकरच अधिकृत वेबसाइटवर प्रसिद्ध केला जाणार आहे. निकाल जाहीर झाल्यानंतर, परीक्षेस बसलेले उमेदवार अधिकृत वेबसाइट ssc.nic.in वर जाऊन हा निकाल तपासू शकतील. हा निकाल तपासण्याच्या पायर्‍यांविषयी अधिकृत माहिती वेबसाइटवर उपलब्ध करून देण्यात आली आहे. सदर पदांच्या भरतीसाठी आयोगातर्फे १ सप्टेंबर ते १४ सप्टेंबर या कालावधीत परीक्षा घेण्यात आली होती. परीक्षेदरम्यान कडेकोट सुरक्षा व्यवस्था ठेवण्यात आली होती.

१७ सप्टेंबर २०२३ रोजी आयोगाने नमूना उत्तर पत्रिका (Answer Key) प्रसिद्ध केली आहे. यानंतर उमेदवारांना हरकती नोंदविण्यासाठी १९ सप्टेंबरपर्यंत मुदत देण्यात आली होती. मात्र, आयोगाने अद्याप अंतिम उत्तरपत्रिका जाहीर केलेली नाही. मात्र आयोगाकडून अंतिम निकाल आणि अंतिम उत्तरपत्रिका एकाच वेळी जाहीर केली जाणार असल्याचे बोलले जात आहे.

(वाचा : UPSC ने CAPF असिस्टंट कमांडंटच्या लेखी परीक्षेचा निकाल जाहीर; असा पाहता आणि डाउनलोड करता येणार Result)

मात्र, अद्यापपर्यंत आयोगाने निकाल जाहीर करण्याची तारीख दिलेली नाही. मात्र, ३० सप्टेंबरला किंवा ऑक्टोबरच्या पहिल्या आठवड्यात निकाल अधिकृत वेबसाइटवर जाहीर केला जाईल, असा दावा मीडिया रिपोर्ट्समध्ये केला जात आहे. परीक्षेत बसलेल्या उमेदवारांना अधिकृत वेबसाइटवर लक्ष ठेवण्याचा सल्ला दिला जातो, जेणेकरून त्यांची कोणतीही महत्त्वाची माहिती चुकणार नाही.

एसएससी एमटीएस तपासण्यासाठी :

– सर्व प्रथम अधिकृत वेबसाइटवर जा.
– यानंतर निकालाच्या लिंकवर क्लिक करा.
– वैयक्तिक तपशील प्रविष्ट करा आणि सबमिट करा.
– निकाल लागेल.
– एमटीएस निकालाची प्रत डाउनलोड करा आणि ती तुमच्याकडे ठेवा.

एसएससी एमटीएस परीक्षेची अधिसूचना दरवर्षी घेतली जाते. या भरतीअंतर्गत हजारो पदांवर नियुक्त्या केल्या जातात. लेखी परीक्षेसह इतर विविध परीक्षांनंतर उमेदवारांची निवड केली जाते.

(वाचा : Success Story IAS Kartik Jivani: आयएएस होण्याचे स्वप्न पूर्ण करण्यासाठी तो तीनवेळा स्पर्धा परीक्षेला बसून तीनही वेळा यशस्वी झाला)

Source link