दुमडणारा सर्वात स्वस्त फोनच्या सेलची तारीख आली; कमी किंमतीत देतो सॅमसंग-ओप्पोला टक्कर

कमी किंमतीत दुमडणारा फोन हवा असेल तर तुमच्यासाठी चांगली बातमी आली आहे. ह्या महिन्यात लाँच झालेला टेक्नोचा क्लॅमशेल डिजाइन असलेला फोन Tecno Phantom V Flip उद्या म्हणजे १ ऑक्टोबरपासून सेलसाठी उपलब्ध होईल. हा सध्या बाजारातील सर्वात स्वस्त फ्लिप फोन आहे. टेक्नोच्या ह्या फोनमध्ये तुम्हाला शानदार LTPO डिस्प्ले आणि ६४ मेगापिक्सलच्या कॅमेरासह पावरफुल प्रोसेसर मिळेल.

Tecno Phantom V Flip ची किंमत

Tecno Phantom V Flip चा एकच मॉडेल भारतात आला आहे. ज्यात ८जीबी रॅमसह २५६जीबी स्टोरेज देण्यात आली आहे. ह्या हँडसेटची किंमत कंपनीनं ४९,९९९ रुपये ठेवण्यात आली आहे. आयकॉनिक ब्लॅक आणि मिस्टिक डॉन कलर ऑप्शनमध्ये येणारा हा फोन तुम्ही अ‍ॅमेझॉन इंडियावरून खरेदी करू शकता.

हे देखील वाचा: गुगलच्या सर्वात शक्तिशाली फोन्सची किंमत लीक; पाहा Pixel 8 आणि Pixel 8 Pro बसतात का तुमच्या बजेटमध्ये

Tecno Phantom V Flip स्पेसिफिकेशन्स

कंपनी ह्या फोनमध्ये १०८०x२४६० पिक्सल रिजोल्यूशनसह ६.९ इंचाचा फुल एचडी+ फ्लेक्सिबल LTPO AMOLED पॅनल ऑफर करतो. ह्या डिस्प्लेचा अ‍ॅस्पेक्ट रेशियो २०.५:९ आहे. हा डिस्प्ले १००० निट्झ पीक ब्राइटनेस लेव्हल आणि १२० हर्ट्झ रिफ्रेश रेटसह येतो. टेक्नोच्या या फोनमध्ये तुम्हाला ४६६x४६६ पिक्सल रिजोल्यूशनसह १.३२ इंचाचा कव्हर डिस्प्ले देखील मिळेल.

फोन ८जीबी रॅम आणि २५६जीबी इंटरनल स्टोरेजसह आला आहे. प्रोसेसरसाठी कंपनीनं या फोनमध्ये मीडियाटेक डायमेन्सिटी ८०५० चिपसेटचा वापर केला आहे. फोनला पावर देण्यासाठी ह्यात ४०००एमएएचची बॅटरी देण्यात आली आहे. ही बॅटरी ४५ वॉटच्या फास्ट चार्जिंगला सपोर्ट करते. कंपनीचा दावा आहे की ही चार्जिंग टेक्नॉलॉजी फोनची बॅटरी १० मिनिटांत ३३ टक्क्यांपर्यंत चार्ज करते.

हे देखील वाचा: घराबाहेर करू नका पासवर्ड शेयर; Netflix नंतर Disney नं देखील घातली बंदी

फोटोग्राफीसाठी फोनमध्ये ड्युअल कॅमेरा सेटअप मिळतो. ज्यात ६४ मेगापिक्सलच्या मुख्य कॅमेऱ्यासह एक १३ मेगापिक्सलची अल्ट्रा-वाइड अँगल लेन्स आहे. तसेच, सेल्फीसाठी कंपनी ह्या फोनमध्ये ३२ मेगापिक्सलचा सेल्फी कॅमेरा देते.