Tej Police Times
जगात कुठेही लाँच न झालेला फोन आहे Anushka Sharma कडे; आयफोन-सॅमसंग नव्हे तर ‘हा’ मॉडेल दिसला हातात
OnePlus पुढील महिन्यात १९ ऑक्टोबरला आपला पहिला फोल्डेबल स्मार्टफोन लाँच करणार आहे. ह्या हँडसेटचे रेंडर्स, किंमत आणि स्पेसिफिकेशन्स लिक्समधून आले आहेत परंतु आता हा फोन प्रत्यक्षात दिसला आहे. आता एका इंस्टाग्राम व्हिडीओमध्ये बॉलिवूड अभिनेत्री Anushka Sharma च्या हातात OnePlus Open दिसला आहे. हा व्हिडीओ पूर्वनियोजित वाटत आहे. ज्यात याआधी आलेल्या रेंडर्समधील सर्क्युलर कॅमेरा कटआऊट दिसत आहे. हा व्हिडीओ पूर्वनियोजित असल्याचा दावा करण्यामागे कारण तुम्हाला विरल भैयानीनं शेयर केलेल्या व्हिडीओमध्ये दिसेल. अनुष्का शर्मा मुद्दामहून फोन कॅमेऱ्याच्या दिशेने ओपन करताना दिसत आहे.
OnePlus Open ची संभाव्य किंमत
वनप्लस ओपन ची किंमत १,१०,००० ते १,२०,००० रुपयांदरम्यान असू शकते, अशी माहिती आली आहे. सॅमसंग गॅलेक्सी फोल्ड सीरिजमधील लेटेस्ट फ्लॅगशिप मॉडेल गॅलेक्सी झेड फोल्ड५ ची किंमत १,५४,९९९ रुपये असल्यामुळे आगामी वनप्लस फोल्डेबल एक चांगला पर्याय ठरू शकतो. ज्यात फ्लॅगशिप चिपसेट आणि हार्डवेअर मिळेल.
OnePlus Open चे संभाव्य स्पेसिफिकेशन्स
वनप्लस ओपनमध्ये ७.८ इंचाचा अॅमोलेड २के डिस्प्ले मिळेल, जो १२० हर्ट्झ रिफ्रेश रेटला सपोर्ट करतो. त्याचबरोबर फोनमध्ये एक कव्हर डिस्प्ले देखील मिळेल. ह्या कव्हर डिस्प्लेचा कार ६.३ इंचाचा असेल. हा देखल १२० हर्ट्झ रिफ्रेश रेट असलेला अॅमोलेड पॅनल आहे.
फोनमध्ये क्वॉलकॉमचा स्नॅपड्रॅगन ८ जेन २ प्रोसेसर मिळेल. जो शक्तिशाली प्रोसेसर पैकी एक आहे. सोबत ग्राफिक्ससाठी कंपनीनं अड्रेनो जीपीयूचा वापर करेल. तसेच फोनमध्ये १६जीबी रॅम व २५६जीबी स्टोरेज मिळू शकते. हा डिवाइस अँड्रॉइड १३ आधारित ऑक्सिजन ओएस १३.१ मिळू शकतो.
फोनमध्ये ट्रिपल कॅमेरा सेटअप मिळू शकतो. ज्यात ४८ मेगापिक्सलचा मुख्य कॅमेरा सेन्सर, ४८ मेगापिक्सलचा सेकंडरी सेन्सर आणि ६४ मेगापिक्सलचा थर्ड सेन्सर मिळेल. तसेच सेल्फी आणि व्हिडीओ कॉलिंगसाठी वनप्लस ३२ मेगापिक्सल किंवा २० मेगापिक्सलचा फ्रंट कॅमेरा मिळू शकतो. पावर बॅकअपसाठी कंपनी ह्यात ४,८०० एमएएचची बॅटरी मिळू शकते जी १०० वॉट फास्ट चार्जिंगला सपोर्ट करू शकते.