Jio च्या अडचणी वाढल्या! सर्वात स्वस्त Primebook लॅपटॉप लाँच, ४जी सिमवर चालणार इंटरनेट

By tejpolicetimes On Oct 3, 2023

भारतात लॅपटॉप खरेदी करण्यासाठी खूप पैसे मोजावे लागतात. त्यामुळे लॅपटॉप सामान्य लोकांपर्यंत पोहचत नाहीत. परंतु लवकरच लॅपटॉप युजर्सची संख्या वाढू शकते. कारण भारतातील सर्वात स्वस्त लॅपटॉप लाँच झाला आहे. ह्याची किंमत स्मार्टफोनपेक्षा देखील कमी आहे. शार्कटँक शो मध्ये लोकप्रिय झालेल्या कंज्यूमर लॅपटॉप ब्रँड PrimeBook चा नवीन लॅपटॉप भारतात लाँच झालेला आहे. PrimeBook मुळे Jio चं टेंशन वाढलं आहे कारण त्यांचा Jio Book लॅपटॉप १६,४९९ रुपयांमध्ये आला होता.

दोन व्हेरिएंट आले बाजारात

Primebook चा वाय-फाय व्हेरिएंट १२,९९० रुपयांमध्ये भारतात लाँच करण्यात आला आहे. याआधी Primebook लाँच करण्यात आला आहे, परंतु आता कंपनीनं ह्याचा वाय-फाय व्हेरिएंट फक्त १२,९०० रुपयांमध्ये लाँच करून नवा रेकॉर्ड बनवला आहे.

हे देखील वाचा: गुपचुप भारतात लाँच झाला Vivo Y17s; बजेटमध्ये ५० मेगापिक्सलचा कॅमेरा आणि ५००० एमएएचची बॅटरी

तर मूळ Primebook एक ४जी लॅपटॉप आहे, ज्यात ४जी सिम कनेक्टिव्हिटी मिळते. परंतु आता कंपनीनं Primebook चा अपग्रेडेड व्हर्जन लाँच केला आहे. नवीन लॅपटॉपमध्ये कंपनीनं अनेक बदल केले आहेत. नव्या व्हेरिएंटमध्ये यूएसबी टाइप सी चार्जिंग पोर्ट आणि शानदार ऑडियो एक्सपीरिएंससह इंप्रूव्ड टचपॅडचा सपोर्ट देण्यात आला आहे. त्याचबरोबर लॅपटॉपमध्ये १२८ जीबीची मोठी स्टोरेज देण्यात आली आहे. त्यामुळे लॅपटॉपची किंमत १४,९९० रुपये झाली आहे.

हे देखील वाचा: Best Smartphones under 10K: तुमच्या बजेटमध्ये येतील हे स्मार्टफोन्स, फीचर्सही जबरदस्त

स्पेसिफिकेशन्स

Primebook लॅपटॉपमध्ये प्राइम ऑपरेटिंग सिस्टमचा सपोर्ट देण्यात आला आहे, जो खासकरून ई-लर्निंगसाठी डिजाइन करण्यात आला आहे. दोन्ही लॅपटॉपमध्ये प्रोसेसर म्हणून ऑक्टाकोर मीडियाटेक प्रोसेसरचा वापर करण्यात आला आहे. लॅपटॉप अँड्रॉइड ११ आधारित PrimeOS वर चालतो. ह्यात तुम्हाला ४ जीबी एलपीडीडीआर४ रॅमचा सपोर्ट मिळेल. लॅपटॉप ११.६ इंचाच्या एचडी स्क्रीन साइजमध्ये येतो. ह्यात ७२०पी आयपीएस डिस्प्ले मिळतो. त्याचबरोबर मिनी HDMI, वायफाय, Arm Mali आणि ब्लूटूथ ५.० चा सपोर्ट देण्यात आला आहे. लॅपटॉपमध्ये २ मेगापिक्सलचा फ्रंट कॅमेरा देण्यात आला आहे.

Source link